Расійская прапаганда вызначыла чатыры масты Нямеччыны для «ўдару ў адказ» за Крымскі мост
У праграме «Весткі тыдня» Дзмітрый Кісялёў адрэагаваў на праслухоўванне Расіяй нямецкіх афіцэраў.
Ён прадставіў інфаграфіку з чатырма мастамі Нямеччыны, якія могуць стаць цэллю ў адказ, калі Украіна атакуе Крымскі мост нямецкімі ракетамі Taurus. Прапагандыст пералічыў:
- Фемарнзундскі мост
- Ругенскі мост
- Мост Гагенцалернаў у Кёльне
- Магдэбургскі водны мост
«Ёсць на што паглядзець праз ракетны прыцэл, — сказаў ён. — Шкада будзе, але што рабіць? Наш Крымскі мост ім не шкада. Упэўнены, пасля апублікаванага аўдыёзапісу нарады генералаў бундэсвера з мэтай знішчыць наш Крымскі мост і наш Генштаб правядзе сваю рэкагнасцыроўку наконт аналагічных мэтаў у адказ у Нямеччыны.
Высокадакладны гіпергук вырашыць задачу няўхільна. Ну а з якой нагоды? Наш прыгажун Крымскі мост будавала ўся краіна, ён стаў натхненнем, транспартнай артэрыяй і архітэктурным шэдэўрам. І раптам нейкія недабітыя немцы сядзяць і цэляцца ў яго».
Як адзначае аглядальнік Bild Францыска Рынглебен, канцлер Олаф Шольц за апошнія дні некалькі разоў адкінуў магчымасць пастаўкі Украіне ракет Taurus. Але гэта не спыняе Расію ад нагнятання істэрыі вакол гэтай тэмы.
«Такі тып прапаганды паказвае, што магчымае прымяненне ракет Taurus, відаць, турбуе Пуціна больш, чым меркавалася», — піша журналістка.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»24
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары
Брыдкая жабка ня ведае, што ў момант гіпергукавага палёту расейскія ракеты ня здольныя манеўраваць - дзеля гэтага яны вымушыная моцна знішаць хуткасць, з-за чаго робяцца даволі ўразлівымі нават для ня самых сучасных сістэм Patriot PA-C2, якія былі прынятыя на ўзбраенне ў 1993.