«My pavinny zdacca Łukašenku?» Łatuška adkazaŭ Astapieniu

U svaim zvarocie kiraŭnik Narodnaha antykryzisnaha ŭpraŭleńnia Pavieł Łatuška naŭprost nie nazyvaje imionaŭ, a adznačaje, što isnuje mierkavańnie nakont taho, što sankcyi byccam by pravakujuć Łukašenka na praciah represij u Biełarusi, a ich uzmacnieńnie pryvodzić da jašče bolšych represij.

Łatuška prapanuje pahladzieć na prablemu praź inšuju anałohiju: ahresija i supraciŭ. I ŭ jakaści prykładu pryvodzić Ukrainu. «Ci treba supraciŭlacca ahresaru, ci treba jaho karać za ahresiju? Ci treba skłaści zbroju, kapitulavać i zapluščyć vočy na ŭsio, što jon užo narabiŭ, kab nie pravakavać jaho na jašče bolšuju ahresiju?

Što treba było rabić Ukrainie, kali Rasija pry ŭdziele režymu Łukašenki raźviazała suprać jaje poŭnamaštabnuju vajnu? Što treba było rabić Ukrainie, kab nie «spravakavać» Rasiju? I što Ukrainie treba rabić zaraz? Moža być, zdacca, kapitulavać, zdać svaje terytoryi?

A što rabić partnioram Ukrainy, pra što Ukrainie treba ich prasić? Moža być, im treba skazać: nu dobra, Rasija, my pierastajom dapamahać Ukrainie, zdymajem ź ciabie ŭsie sankcyi i zaadno pryznajem, što akupavanyja taboj terytoryi aficyjna stanoviacca tvajoj častkaj — tamu što my nie chočam ciabie dalej pravakavać. Tak?» — zadaje pytańni palityk.

Na pohlad Łatuški, «u 2020-m hodzie Łukašenka napaŭ na biełarusaŭ, jakija nie chočuć žyć pad jaho dyktaturaj (hetak ža, jak ukraincy nie chočuć žyć pad rasiejskaj akupacyjaj). Hety napad u vyhladzie masavych štodzionnych represij, jakija ŭžo nieadnarazova byli nazvanyja, jakija nosiać prykmiety i padpadajuć pad złačynstvy suprać čałaviečnaści ŭ roznych mižnarodnych dakumientach, praciahvajecca dahetul».

Łatuška nahadvaje, što Łukašenka jak maryjanietka Pucina zabiaśpiečyŭ napad Rasii na Ukrainu z terytoryi Biełarusi, i takim čynam ździejśniŭ akt ahresii adnosna Ukrainy. I heta złačynstva praciahvajecca. Akramia hetaha Łukašenka arhanizuje niezakonnyja pieramiaščeńni i departacyju ŭkrainskich dziaciej z časova akupavanych terytoryj, što źjaŭlajecca vajennym złačynstvam.

«I što ž u hetych umovach prapanujuć nam prychilniki padychodu «nie pravakavać ahresaraŭ»? Ja adkažu, što jany prapanujuć — źmirycca, biaździejničać i zdacca. Zdać Ukrainu Pucinu. I zdać Biełaruś Łukašenku. Što ŭ kančatkovym vyniku aznačaje taksama zdać Biełaruś jaho haspadaru — Pucinu. Heta značyć zamiest «być», jany prapanujuć «nie być», — adznačaje Pavieł Łatuška i źviartajecca da hledačoŭ z pytańniem, što vybirajuć jany.

Čytajcie jašče:

«Nie złavać dzieda». Ryhor Astapienia prapanavaŭ novuju stratehiju demakratyčnym siłam

«U darknecie byŭ abjaŭleny košt za majo žyćcio» — Łatuška

Pavieł Łatuška raskazaŭ, jak Piatkievič zabaraniła jamu iści na jubilej Baradulina

• 74
• 0
• 2
• 8
• 1
• 1
• 5
• 0