Minadukacyi płanuje skaracić nabor abituryjentaŭ u minskija VNU
Nabor abituryjentaŭ u staličnyja VNU budzie skaračacca, a ŭ rehijanalnyja — naadvarot, padtrymlivacca. Pra heta na kalehii kamiteta pa adukacyi Minharvykankama 5 sakavika raskazaŭ ministr adukacyi Andrej Ivaniec.
Adnačasova sa skaračeńniem naboru ŭ VNU sioleta pavialičycca kolkaść miescaŭ va ŭstanovach dla atrymańnia siarednieśpiecyjalnaj adukacyi. Taksama płanujecca źmienšyć kolkaść płatnych miescaŭ u VNU i pavialičyć miescy na biudžet.
«Miedalisty majuć prosta biesprecedentnyja mahčymaści — pastupleńnie ŭ VNU biez ekzamienaŭ, u staličnyja — na zapatrabavanyja ekanomikaj śpiecyjalnaści, — zaznačyŭ Ivaniec. — Sioleta my pašyryli pieralik. Raniej šmat u čym heta byli śpiecyjalnaści, niepapularnyja ŭ abituryjentaŭ. My źmianiajem padychody i pavaročvajemsia tvaram da maładych ludziej».
Raniej Ivaniec prapanavaŭ u niekalki razoŭ padvysić pamier kampiensacyi za nieadpracoŭvańnie raźmierkavańnia pa skančeńni VNU. Takija zachady, na dumku čynoŭnika, musiać paspryjać zamacavańniu kadraŭ na pracoŭnych miescach.
Kamientary