Litva pravieryć 18 tysiač biełarusaŭ, jakija pasialilisia ŭ krainie da ŭviedzienych u 2022 hodzie abmiežavańniaŭ
Sa słoŭ kiraŭnika Departamienta mihracyi Evieliny Hudzinskajcie, hetyja ludzi pavinny buduć zapoŭnić apytalnik, jaki ciapier zapaŭniajuć biełarusy, jakija pryjazdžajuć u Litvu, piša Delfi.lt.
«My zojmiemsia pravierkaj usich biełarusaŭ, jakija atrymali dazvoł na žycharstva ŭ Litvie pa pracy da taho, jak pačali vykarystoŭvać apytalnik. U Litvie takich biełarusaŭ kala 18 000, da 20 000», — skazała Hudzinskajcie.
Varta adznačyć, što mnohija biełarusy ŭžo zapaŭniali taki apytalnik.
Pavodle jaje słoŭ, kali źjavicca niehatyŭnaja infarmacyja pra čałavieka, to DM budzie źviartacca ŭ Departamient dziaržbiaśpieki (DDB). Dalejšyja dziejańni buduć zaležać ad vysnoŭ DDB.
«Niezapaŭnieńnie apytalnika budzie rasceńvacca nie na karyść čałavieka. Adkazy taksama buduć acenieny. Kali ŭ adkazach budzie znojdziena admoŭnaja infarmacyja, budziem kansultavacca z DDB. Kali DDB pakaža, što čałaviek ujaŭlaje pahrozu nacbiaśpiecy, to takoha čałavieka pazbaviać dazvołu na žycharstva», — zaŭvažyła Hudzinskajcie.
Ź listapada 2022 h. rasijanie i biełarusy, jakija ŭjazdžajuć u Litvu, pavinny zapaŭniać śpiecyjalny apytalnik i vykazać svajo staŭleńnie da vajny Rasii va Ukrainie. Paśla źjaŭleńnia hetaha apytalnika 2041 hramadzianin hetych krain pryznany pahrozaj nacbiaśpieki Litvy (1644 biełarusaŭ, 397 rasijanaŭ).
«Heta budzie doŭha i pakutliva». Jak biełarusy kamientujuć zakryćcio Litvoj jašče dvuch pierachodaŭ ź Biełaruśsiu
«Daviedku ab pastanoŭcy na ŭlik zaŭždy biaru z saboj». Što z pravierkami DNŽ i druhimi pašpartami pry pierasiačeńni miažy
U Litvie prapanavali pazbaŭlać dazvołaŭ na žycharstva biełarusaŭ, jakija čaściej čym raz na miesiac jeździać na radzimu
Ciapier čytajuć
Pamior narodny artyst Biełarusi Jarasłaŭ Jeŭdakimaŭ — vykanaŭca chitoŭ «Začarovanaja maja» i «Fantazior»14
Kamientary