Vystavu, pryśviečanuju Maleviču, zakryli praz try dni: «techničnyja pryčyny»
1 lutaha 2024 hoda ŭ Minsku adkryŭsia vystavačny prajekt «1,10 KVADRATA», pryśviečany 110-hodziu «Čornaha kvadrata» Kazimira Maleviča. A siońnia Pałac mastactvaŭ paviedamiŭ pra časovaje zakryćcio vystavy «pa techničnych pryčynach». Pieršapačatkova paviedamlałasia, što prajekt budzie pracavać da 3 sakavika.
Na spynienaj vystavie pradstaŭleny žyvapis, hrafika, skulptura, škło, kieramika, mietał, fatahrafija, art-abjekty. U prajekcie prymajuć udzieł siabry Biełaruskaha sajuza mastakoŭ ź Minska i ŭsich rehijonaŭ Biełarusi, dyzajniery, tvorčaja moładź, usie zacikaŭlenyja temaj tvorcy.
«Čorny kvadrat» — heta vizualnaje vykazvańnie K. Maleviča, namiok sučaśnikam mastakam i intelektualnaj publicy, što realizm u mastactvie paniaćcie nie adnaznačnaje i ŭtrymlivaje ŭ sabie nievyčerpnyja mahčymaści i asacyjatyŭnyja kampazicyjna-vobraznyja rašeńni. Kvadrat — heta ŭsiaho tolki znak, simvał ruchu ŭ prastoru novych realnaściaŭ u mastactvie», — napisana ŭ anonsie vystavy.
Na dumku arhanizataraŭ, vystavačny prajekt sprabuje prasačyć siońniašniuju «liniju žyćcia» «Čornaha kvadrata» — na ŭzroŭni idei, formy, znaka, matyvu, simvaličnaha pradmieta.
«Hałoŭnaje ŭ vystavie — navat nie tema, zadadzienaja kuratarami, a sam duch navatarstva ŭ tvorčaści, jaki praciahvaje idei Kazimira Maleviča», — pisali jany.
Ci praciahnie pracu vystava z «ducham navatarstva», pakul nieviadoma.
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci5
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary