Biełaruskaja aŭtamabilnaja asacyjacyja (BAA) padviała vyniki konkursu «Aŭtamabil hoda — 2023». Pieršaje miesca zaniaŭ Geely Manjaro. Office Life raskazvaje, jakija jašče marki i madeli atrymali premii ŭ naminacyjach «navinka hoda» i «dyzajn hoda», a taksama jakija apynulisia samymi papularnymi pa vynikach dylerskich prodažaŭ.
Jak vybirali «Aŭtamabil hoda»
Hałasavańnie prachodziła ŭ dva etapy. Spačatku BAA z dapamohaj čytačoŭ partała Onliner z 61 aŭtamabila, jakija pradavalisia ŭ krainie ŭ 2023 hodzie, vybrali siem finalistaŭ.
U finalny šort-list trapili:
Voyah Free;
Geely Manjaro;
Audi A6 Avant;
VW Passat;
LadaVesta;
UAZ Patriot;
Hyundai Sonata.
Na druhim etapie za finalistaŭ hałasavali ekśpierty aŭtamabilnaha rynku — viadučyja aŭtamabilnyja žurnalisty i błohiery.
Bolš za ŭsio hałasoŭ ad ekśpiertaŭ atrymaŭ Geely Monjaro.
Jakija jašče aŭto adznačyli
U naminacyjach «brend-navinka hoda» i «madel — navinka hoda» pieramožcaŭ vybirali ekśpierty — i tut adnaznačnaja pieramoha Voyah i jaje madeli Free.
Pieramožcu ŭ naminacyi «dyzajn hoda» vybirali narodnym hałasavańniem. Kožny dyler moh pradstavić na konkurs nie bolš za adnu madel svajoj marki-i pieramohu atrymaŭ krasovier Audi Q8.
Taksama BAA pradstaviła top samych papularnych aŭtamabilaŭ pa vynikach dylerskich prodažaŭ:
— samy papularny brend hoda — Geely (za im Lada i Haval);
— samy papularny siedan hoda — Geely Emgrand (za im — Lada Granta i Lada Vesta);
— samy papularny SUV hoda — Geely Coolray abo Ch50 (za im — Geely Atlas Pro i Geely Tugella);
— samy papularny elektrakar hoda — Voyah Free (za im — Geely Geometry C i FAW Bestune NAT);
samy papularny kamiercyjny aŭtamabil hoda — GAZ Gazel Next Van (za im — GAZ Gazel Next Track i VW Transporter).
Ciapier čytajuć
Eks-palitviazień adkryŭ zbor na siabie — inšyja palitviaźni aburanyja i kažuć, što jon stukač i machlar1
Kamientary