Maryja Kaleśnikava mocna schudnieła, a ŭ Volhi Majoravaj prablemy z horłam
Vydańnie Hrodna.life ad svaich krynic daviedałasia apošnija naviny dźviuch viadomych palitźniavolenych, asudžanych łukašenkaŭskimi sudami da vialikich terminaŭ źniavoleńnia.
Pavodle infarmacyi Hrodna.life, u asudžanaj pa spravie Aŭtuchoviča Volhi Majoravaj jość prablemy z horłam, ale jaje nie abśledujuć. Taksama joj nie dachodziać pieravody i listy ad syna.
Krynica śćviardžaje, što buchhałteryja nie addaje hrošy, jakija ŭžo pastupili na rachunak Majoravaj. A novyja hrašovyja pieravody joj zabaronienyja, bo Volha trapiła ŭ śpis «terarystaŭ».
Volha Majorava — hramadskaja aktyvistka, raniej — siabra Abjadnanaj hramadzianskaj partyi. Jaje zatrymali ŭviečary 4 studzienia 2021 hoda va ŭłasnym domie ŭ vioscy Nača Krupskaha rajona pa «spravie Aŭtuchoviča». 17 kastryčnika 2022 hoda Hrodzienski abłasny sud pryznačyŭ joj 20 hadoŭ kałonii ahulnaha režymu. Jaje etapavali ŭ PK № 4 Homiela.
U hetaj ža kałonii adbyvaje pakarańnie Maryja Kaleśnikava. Viadoma, što jana znachodzicca ŭ PKT. Padčas pachodu ŭ sančastku jaje supravadžali šeść supracoŭnikaŭ kałonii. Maryja schudnieła da 42-ha ci 44-ha pamieru. Jaje čornyja vałasy adraśli da stryžki kare. Ale Maryja, niahledziačy ni na što, uśmichajecca, pieradała krynica Hrodna.life.
Adna z najbližejšych paplečnic Viktara Babaryki Maryja Kaleśnikava była vykradzienaja 7 vieraśnia 2020 hoda ŭ Minsku i razam ź jašče dvuma siabrami Kaardynacyjnaj rady, Antonam Radniankovym i Ivanam Kraŭcovym, jana była hvałtoŭna pryviezienaja na biełaruska-ŭkrainskuju miažu dla vydvareńnia z krainy. Adnak, parvaŭšy svoj pašpart na pamiežnym pierachodzie i vyskačyŭšy z aŭtamabila, Maryja Kaleśnikava pieraškodziła realizacyi śpiecapieracyi siłavikoŭ. 6 vieraśnia 2021 hoda Minski rajonny sud prysudziŭ jaje da 11 hadoŭ pazbaŭleńnia voli. 28 listapada 2022 hoda Maryju dastavili ŭ chirurhičnaje adździaleńnie homielskaj balnicy chutkaj dapamohi i praapieryravali z pryčyny prabadnoj jazvy i pierytanitu.
Taksama krynica Hrodna.life śćviardžaje, što jość fakty, kali palitviaźniaŭ u PK № 4 ciapier naŭmysna zaražajuć karostaj praź inšych źniavolenych. Miedyki kałonii nazyvajuć jaje «alerhijaj».
Čytajcie taksama:
U kałoniju, dzie siadziać Kaleśnikava i Zołatava, pryvieźli sałodkija padarunki ad Łukašenki
«Jany schapili mianie ŭ dzień niaščaścia majho». Źmicier Daškievič prabyŭ paŭhoda ŭ bietonnaj kletcy
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
Nadiejuś, trusovatomu čiertu v Bruklenie chorošo śpico