Pieramovy ab pastaŭkach rasijskaj nafty ŭ Biełaruś zaviaršylisia biezvynikova
paviedamlaje RIA «Novosti» sa spasyłkaj na krynicu ŭ rasijskaj delehacyi.
Pieramovy ab pastaŭkach rasijskaj nafty ŭ Biełaruś u 2010 hodzie zaviaršylisia biezvynikova i buduć pradoŭžany, paviedamlaje RIA «Novosti» sa spasyłkaj na krynicu ŭ rasijskaj delehacyi. Pavodle jaje słoŭ, biełaruskaja delehacyja viartajecca dadomu.
«Na hety čas rasijska-biełaruskija pieramovy pa vypracoŭcy pahadnieńnia ab pastaŭkach rasijskaj nafty ŭ Biełaruś, u tym liku ab prapanavanych rasijskim bokam biesprecedentna lhotnych umovach — biazmytnych pastaŭkach abjomaŭ nafty dla ŭnutranaha spažyvańnia respubliki, nie dali vynikaŭ», — zajaviła krynica.
Heta źviazana z «adsutnaściu nieabchodnych dyrektyŭ i paŭnamoctvaŭ u pradstaŭnikoŭ Respubliki Biełaruś», rastłumačyŭ jon. Pavodle słoŭ krynicy, Minsk damahajecca biazmytnych pastavak usiaho abjomu syraviny. "Na žal, davodzicca kanstatavać, što da 1 studzienia nie ŭdasca vyjści na pazityŭny vynik pieramoŭ ab pastaŭkach rasijskaj nafty ŭ Biełaruś... Biełaruskaja delehacyja vyrašyła viarnucca ŭ Minsk, tak i nie atrymaŭšy nieabchodnych paŭnamoctvaŭ i dyrektyŭ, — skazała krynica. — Sa škadavańniem adznačajem, što biełaruski bok faktyčna pa-raniejšamu praciahvaje prytrymlivacca ničym nie abhruntavanaj zapytnaj pazicyi, zhodna ź jakoj Rasija, pa sutnaści, pavinna pradaŭžać subsidavańnie biełaruskaj ekanomiki, praciahvajučy, tym bolš va ŭmovach adsutnaści adpaviednaha mižuradavaha pahadnieńnia, biaspošlinnyja pastaŭki nafty nie tolki dla ŭnutranaha spažyvańnia, ale i na ŭvieś abjom rasijskaj syraviny, što pastaŭlajecca».
28 śniežnia vice-premjer rasijskaha ŭrada Ihar Siečyn paviedamiŭ, što pahadnieńnie ab časovych pastaŭkach nafty z Rasii ŭ Biełaruś u 2010 hodzie moža być padpisana 30—31 śniežnia. Kali hetaha nie adbudziecca, 1 studzienia 2010 hoda pačnie dziejničać zvyčajny režym pastavak enierharesursaŭ, jaki praduhledžvaje vypłatu 100% mytnych płaciažoŭ.
18 śniežnia Siečyn zajaviŭ, što Rasija prapanavała Biełarusi biaspošlinna pastaŭlać 5—6 młn. ton nafty dla ŭnutranaha spažyvańnia. Adpaviednuju prapanovu rasijski bok vykazaŭ padčas praviedzienaha 10 śniežnia ŭ Maskvie pasiadžeńnia Vyšejšaha dziaržsavieta Sajuznaj dziaržavy. Siečyn adznačyŭ, što takaja prapanova była zroblena z ulikam «brackich adnosin» dźviuch krain. Vice-premjer padkreśliŭ, što biaspošlinnyja pastaŭki buduć tyčycca tolki nafty dla ŭnutranaha spažyvańnia Biełarusi, uvieś astatni abjom całkam budzie abkładacca ekspartnymi pošlinami. Z 2010 hoda pierastaje dziejničać panižalny kaeficyjent na pastaŭki nafty i naftapraduktaŭ u Biełaruś, jaki sioleta składaje 0,356, nahadaŭ Siečyn.
Pavodle słoŭ rasijskaha vice-premjera, biełaruski bok zacikaŭleny ŭ zachavańni hetaha kaeficyjentu. Adnak Maskva nie zhodna z takoj pastanoŭkaj pytańnia, bo pry takoj situacyi rasijskaja naftapierapracoŭčaja pramysłovaść znachodzicca ŭ mienš vyhadnych umovach, čym biełaruskaja.
23 śniežnia pasoł Rasii ŭ Minsku Alaksandr Surykaŭ zajaviŭ, što pastaŭki nafty ŭ Biełaruś u 2010 hodzie nie buduć spynieny, navat kali adpaviednaje pahadnieńnie nie ŭdasca padpisać da kanca hetaha hoda.
Niekatoryja ekśpierty zajaŭlajuć, što Maskva ŭviazvaje košt pastavak nafty ŭ Biełaruś z dostupam rasijskich kampanij da pryvatyzacyi biełaruskaha naftavaha kompleksu «Naftan-Palimir».
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary