U Lidzie tata 11 dziaciej straciŭ prytomnaść, kali pierabiahaŭ darohu VIDEA
Žudasnaje videa ź Lidy apublikavali ŭ tyktoku. Na im bačna, jak mužčyna sprabuje pierabiehčy darohu, pakul mirhaje zialony sihnał śviatłafora, ale stračvaje prytomnaść i padaje na prajeznuju častku.
Pieršaje aŭto prajechała mima, mužčyna pasprabavaŭ ustać, ale bačna, što ŭ jaho nie chapiła sił na heta. Nastupnaja mašyna spyniłasia, i kiroŭca pabieh da mužčyny, minaki dapamahli pieranieści jaho na tratuar.
Zdareńnie trapiła na videa vuličnych kamier nazirańnia, zdymali i vidavočcy — lidčuku vyklikali chutkuju dapamohu i dastavili jaho ŭ balnicu.
Błohierka pad nikam mama11detishek, jakaja apublikavała rolik, paviedamiła, što na im jaje muž Alaksandr.
«Ludzi, nie prajazdžajcie mima, kali vy bačycie, što čałaviek upaŭ… Budźcie dabrejšyja… Na hetym videa moj muž, tata 11 dziaciej… Dobra, što nie prajechali dobryja ludzi…» — padpisała videa błohierka.
U kamientaryjach jana raspaviała, što jaje muž zastajecca ŭ balnicy i lekary sprabujuć vyśvietlić pryčynu taho, što jon raptam straciŭ prytomnaść.
Kamientary
Objaśnitie mužu, čto pieriechod/pieriebieh na mihajuŝij zielonyj piešiechodam zaprieŝien!
I jeŝio, eto, kormitie i muža...