Zahadčycaj muzieja ŭ Baranavičach pryznačyli śpiecyjalistku zusim ź inšaj śfiery
Na pasadu dyrektarki ŭ Baranavickim krajaznaŭčym muziei pryznačyli Natallu Šastak, piša Bar24.by. Dahetul žančyna nivodnaha dnia nie pracavała ŭ śfiery kultury.
Natalla Šastak naradziłasia ŭ 1977 hodzie, u 2000-m jana skončyła Baranavicki niedziaržaŭny ekanomika-jurydyčny technikum pa śpiecyjalnaści «Ekanomika i kiravańnie pradpryjemstvam», paśla ŭ 2014 hodzie atrymała vyšejšuju adukacyju ŭ Baranavickim dziaržaŭnym univiersitecie pa śpiecyjalnaści «Praktyčnaja psichałohija».
Pačynała svoj pracoŭny šlach žančyna z pasady sakratara-spravavoda, pracavała buchhałtaram. Apošnija 20 hadoŭ jana zahadvała adździaleńniem pieršasnaha pryjomu, analizu, infarmavańnia i prahnazavańnia terytaryjalnaha centra sacyjalnaha absłuhoŭvańnia nasielnictva Baranavickaha rajona.
U vieraśni 2021 hoda na pasadu dyrektarki muzieja była pryznačanaja Anastasija Saŭko, rabotnica Navahrudskaha historyka-krajaznaŭčaha muzieja. Ale apošnim časam pasada znoŭ była vakantnaj.
Baranavicki krajaznaŭčy muziej štohod prymaje zvyš 50 tysiač naviedvalnikaŭ. Taksama pravodzić bolš za 1200 ekskursij, arhanizoŭvaje pracu kala 20 vystaŭ.
U vioscy pad Rahačovam adradžajuć tradycyju pieradkaladnaha ŭpryhažeńnia chaty sałamianymi pavukami
«Vierchni pavierch — heta nieba, tam anioły, misteryja, vieščuny». Navapołacki majstar adnaviŭ staražytnuju batlejku
«Pakul tut absalutna daminuje siehmient niepalityčny». Da muziejnych vystaŭ ideałohija pakul nie dabrałasia
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1616
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ16
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał22
Kamientary