Asudžanaha anarchista Alaksandra Franckieviča pieraviali ŭ vaŭkavyskuju kałoniju
Źniavoleny adbyvaŭ pakarańnie ŭ Ivacevickaj kałonii № 5.
Anarchista Alaksandra Franckieviča, asudžanaha na 16 hadoŭ i 9 miesiacaŭ, pieraviali ŭ VK-11 u Vaŭkavysku, paviedamlaje «Miedyjazona».
Źniavoleny adbyvaŭ pakarańnie ŭ ivacevickaj kałonii № 5, jakuju rasfarmavali pavodle ŭkaza Łukašenki, apublikavanaha ŭ kancy kastryčnika 2023 hoda.
Alaksandr — fihurant spravy «Revalucyjnaha dziejańnia», pa jakoj asudzili dzieviaciarych aktyvistaŭ i pravaabaroncu Marfu Rabkovu.
Pa viersii abvinavačvańnia, z 2005 pa 2020 hod nieŭstanoŭlenyja asoby pry ŭdziele Franckieviča i Rabkovaj abjadnali «šerah arhanizavanych złačynnych hrup»: «Revalucyjnaje dziejańnie», «Narodnaja samaabarona» i «Rievolucijna dija». Hetyja abjadnańni, jak śćviardžała śledstva, uvajšli ŭ skład «mižnarodnaj złačynnaj arhanizacyi».
Kamientary