22 śniežnia na 69-m hodzie žyćcia pamior maładziečanski krajaznaŭca i ekskursavod Valeryj Bureń. Pra heta paviedamili jahonyja siabry ŭ sacsietkach.
«Kali sychodziać takija ludzi, jak Valera Bureń, śviet našmat biadnieje na intelihientnaść, talerantnaść, bieskaryślivaść, entuzijazm i erudycyju.
Takich krajaznaŭcaŭ, intelektuałaŭ, adkryvalnikaŭ i abierahalnikaŭ historyi i kultury rodnaha kraju možna paličyć pa palcach adnoj ruki», — napisała adna sa znajomych krajaznaŭcy ŭ fejsbuku.
Pry žyćci Valer Bureń zachaplaŭsia asobaj mastaka Jazepa Drazdoviča, rupiŭsia pra ŭšanavańnie jaho pamiaci. Taksama jon adzin z aŭtaraŭ brašury «Materyjalnaja spadčyna rodu Ahinskich u Biełarusi», jakaja vyjšła letaś u vydaviectvie «Čatyry čverci».
Dobra viedaŭ pamiatnyja miescy Maładziečna i Maładziečanščyny, vadziŭ pa ich ekskursii.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary