Minčuki ŭ mini-čacie aburalisia rasijskaj ahresijaj. Zaviali kryminałku za reabilitacyju nacyzmu
Kryminalnuju spravu za «reabilitacyju nacyzmu» raspačaŭ SK u adnosinach troch žycharoŭ Minska, jakija kamunikavali pamiž saboju ŭ telehram-čacie. Ich zatrymali, paviedamiła pres-słužba Śledčaha kamiteta.
SK piša, što rasśledujučy kryminalnuju spravu «ekstremisckaj nakiravanaści», śledčyja sutyknulisia z «hrupaj radykałaŭ», jakija nibyta raspaŭsiudžvali nacysckuju ideałohiju.
Zhodna z materyjałami spravy, u pačatku 2022 hoda 32-hadovy doktar-stamatołah stvaryŭ telehram-čat i dadaŭ u jaho dvuch svaich znajomych (33 i 34 hadoŭ). Mužčyny tam abmiarkoŭvali roznyja bytavyja temy.
«Paśla pačatku śpiecyjalnaj vajennaj apieracyi va Ukrainie pierapiska nabyła radykalnuju afarboŭku», — paviedamlaje SK.
Pavodle pres-reliza, mužčyny abmiarkoŭvali tam pačatak vajny, aburalisia ŭvarvańniem rasijan va Ukrainu, «abražali i ŭsialak dyskredytavali ruskich, zaklikali da ahresii i hvałtu da pradstaŭnikoŭ nazvanaj nacyjanalnaści, uzbudžajučy nianaviść i raspalvajučy nacyjanalnuju varožaść».
«Žychary stalicy praviali anałohiju ź dziejańniami nacystaŭ», — piša SK, ale śćviardžaje, što surazmoŭcy apraŭdvali ideałohiju Hitlera.
Zaviedziena kryminalnaja sprava pa č. 3 art. 130-1 (reabilitacyja nacyzmu) Kryminalnaha kodeksa.
Akramia taho, SK piša, što zatrymanyja ŭ 2020 hodzie, «paddaŭšysia pavievam kalarovych revalucyj», abražali Łukašenku i «ŭdzielničali ŭ ździajśnieńni złačynstvaŭ, jakija kuryrujucca tełahram-kanałami ekstremisckich i terarystyčnych arhanizacyj».
SK ličyć, što ŭ dziejańniach zatrymanych byli prykmiety złačynstvaŭ, praduhledžanych Kryminalnym kodeksam Respubliki Biełaruś:
- č. 1 art. 368 (abraza Łukašenki);
- č. 1 art. 342 (aktyŭny ŭdzieł u hrupavych dziejańniach, jakija hruba parušajuć hramadski paradak, paciahnuli parušeńnie pracy transpartu, pradpryjemstvaŭ i arhanizacyj);
- č. 1 art. 130 (naŭmysnyja dziejańni, nakiravanyja na ŭzbudžeńnie nacyjanalnaj varožaści i varožaści pa prykmiecie nacyjanalnaj prynaležnaści).
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim6
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary