Mikałaj Šaŭłoŭ, jaki vystupiŭ u ŚMI z zajavaj ab epidemii atypovaj pnieŭmanii ŭ Biełarusi, pieranios hipiertaničny kryz, jaki ŭskładniŭsia insultam.
Lekar-infekcyjanist Mikałaj Šaŭłoŭ, asystent katedry infekcyjnych chvarobaŭ akademii paśladyplomnaj adukacyi, 23 śniežnia špitalizavany ŭ adździaleńnie intensiŭnaj terapii 5-j haradzkoj lakarni Mienska.
Pra heta ahienctvu BiełaPAN paviedamiŭ kaleha Mikałaja Šaŭłova, jaki pažadaŭ zastacca nienazvanym.
U 5-j klinicy paćvierdzili, što Šaŭłoŭ znachodzicca ŭ reanimacyi. 60-hadovy medyk pieranios hipertaničny kryz, jaki ŭskładniŭsia insultam. Jaho stan lekary aceńvajuć jak «ciažki, sa stanoŭčaj dynamikaj».
Kaleha Šaŭłova padkreśliŭ u intervijuju BiełaPAN, što zachvorvańnie mahli spravakavać šmatlikija stresy z-za nacisku na medyka paśla jaho publičnych zajaŭ nakont epidemii hrypu ŭ Biełarusi.
Jak paviedamlałasia raniej, Šaŭłoŭ vystupiŭ u ŚMI z adkrytym listom, u jakim zajaviŭ ab epidemii atypovaj pneŭmanii ŭ Biełarusi. Pad hetym zachvorvańniem Šaŭłoŭ razumieje ciažkaje, niecharakternaje ciačeńnie chvaroby. Namieśnik ministra achovy zdaroŭja Robiert Časnojć 27 listapada zajaviŭ u parlamencie, što ŭ krainie nie zarehistravana nivodnaha vypadku atypovaj pneŭmanii.
Šaŭłoŭ vykazvaŭ dumku, što ŭ Biełarusi nie pravodzicca dyjahnostyka atypovaj pneŭmanii, tamu nielha śćviardžać, što ŭ krainie niama hetaha zachvorvańnia. «Ja nia funkcyja ŭ biełym chałacie, ja lekar», — tłumačyŭ svaju hramadzianskuju pazycyju Šaŭłoŭ. Jon ličyć, što pierš za ŭsio nieabchodna razabracca, što za virus vyklikaŭ pazabalničnuju pneŭmaniju, ad jakoj ludzi ŭ Biełarusi hinuli za try-piać dzion. Lekar padkreślivaŭ, što nietypovym źjaŭlajecca jak ciačeńnie zachvorvańnia, hetak i ŭzrost pamierłych, bolšaść ź jakich byli maładyja ludzi.
Da taho, jak Šaŭłoŭ trapiŭ u raenimacyju, jon śćviardžaŭ, što «surjoznych prablem u suviazi ź jaho publičnymi vykazvańniami na pracy ŭ jaho nie było». Paśla svaich publičnych zajaŭ na prośbie kiraŭnictva lekar napisaŭ tłumačalnuju zapisku.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach10
Kamientary