Balerynie, narodnaj artystcy Biełarusi Ludmile Bržazoŭskaj, było 77 hadoŭ. Jana pamierła siońnia, 6 śniežnia, paviedamlaje ŭ telehram-kanale Nacyjanalny teatr opiery i baleta Biełarusi.
Ludmiła Bržazoŭskaja naradziłasia ŭ Minsku. Skončyła Biełaruskaje dziaržaŭnaje chareahrafičnaje vučylišča.
Z 1966 h. — artystka baleta Dziaržaŭnaha akademičnaha Vialikaha teatra opiery i baleta BSSR. Pieršaj bujnoj pracaj na scenie teatra stała partyja Solviejh u balecie «Pier Hiunt» (1967 hod).
Stažyravałasia ŭ Leninhradskim teatry opiery i baleta imia Kirava ŭ Natalli Dudzinskaj.
Z 1969 da 1988 hoda vykonvała viadučyja partyi ŭ baletach «Lebiadzinaje voziera», «Spartak», «Rajmonda», «Bachčysarajski fantan», «Don Kichot», «Śpiačaja pryhažunia», «Žyzel» i inšych.
Zvańnie narodnaj artystki Biełarusi jana atrymała, kali joj było 29 hadoŭ.
Joj zachaplaŭsia znakamity italjanski režysior Franka Dziefireli. Jaje vielmi časta paraŭnoŭvali z halivudskaj zorkaj Odry Chiepbiern. Jana supierničała z Majaj Plisieckaj, i kali paraŭnoŭvali ich vykanańnie partyi Karmen, pieravahu časta addavali Bržazoŭskaj.
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?48
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary