U chodzie vizitu Cichanoŭskaja sustreniecca z najvyšejšymi słužbovymi asobami krainy: prezidentam Edharam Rynkievičam, staršynioj Siejma Dajhaj Mijeryniaj, premjer-ministarkaj Evikaj Siliniaj, a taksama dziaržsakratarom Ministerstva ŭnutranych spraŭ Dźmitryjem Trafimavym.
Lidarka biełaruskaha demakratyčnaha ruchu Śviatłana Cichanoŭskaja 27 i 28 listapada naviedaje z rabočym vizitam Łatviju, kab źviarnuć uvahu na represii režymu Alaksandra Łukašenki i abmierkavać mahčymaści dalejšaj padtrymki biełaruskaha demakratyčnaha ruchu, piša Delfi.lv sa spasyłkaj na Ministerstva zamiežnych spraŭ Łatvii.
U chodzie vizitu Cichanoŭskaja sustreniecca z najvyšejšymi słužbovymi asobami Łatvii: prezidentam Edharam Rynkievičam, staršynioj Siejma Dajhaj Mijeryniaj, premjer-ministarkaj Evikaj Siliniaj, a taksama dziaržsakratarom Ministerstva ŭnutranych spraŭ Dźmitryjem Trafimavym, staršynioj Ryžskaj dumy Viłnisam Kirnisam i dziaržsakratarom MZS Andrysam Piełšsam.
U chodzie vizitu taksama zapłanavany ŭdzieł Cichanoŭskaj u pasiadžeńni rehijanalnych dyrektaraŭ pa Rasii i Uschodniaj Jeŭropie ŭ MZS z udziełam pradstaŭnikoŭ ministerstvaŭ zamiežnych spraŭ Čechii, Danii, Estonii, Vialikabrytanii, Litvy, Niderłandaŭ, Polščy, Rumynii, Finlandyi i Šviecyi.
Na ŭračystaj cyrymonii ŭ Łatvijskaj Nacyjanalnaj biblijatecy Cichanoŭskaja pieradaść dar dla Palicy narodnych knih. Akramia taho, u Cichanoŭskaj zapłanavanyja intervju dla šerahu pradstaŭnikoŭ łatvijskich mas-miedyja.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii1
Kamientary