Na «Kufar. Nieruchomaść» siarod 580 abjavaŭ ab prodažy handlovych pamiaškańniaŭ raźmieščany i prapanovy dla tych, chto razhladaje ŭkładańnie hrošaj u hramadskaje charčavańnie. Voś 5 varyjantaŭ: ad kaviarni da asobnaha budynka pad restaran, dzie možna realizavać siabie jak uładalnika biźniesu ŭ hramadskim charčavańni.
Kaviarnia. Kala $84 900
Na vulicy Piatra Mścisłaŭca, za vialikim handlovym centram «Dana Moł», pradajecca handlovaje pamiaškańnie płoščaj 33,4 «kvadrata» ź dziejučaj kaviarniaj.
Łakacyja ŭjaŭlaje saboj novy hustanasieleny mikrarajon. U 5 chvilinach chady — stancyja mietro Uschod.
Kaviarnia raźmiaščajecca na pieršym paviersie i maje dva ŭvachody: z ažyŭlenaj vulicy i sa dvara. Unutry vykanany dyzajnierski ramont.
Uładalnik płanuje pradavać pamiaškańnie razam z usioj meblaj i abstalavańniem i supravadzić pieradaču ŭsich spraŭ, a taksama dapuskaje mahčymaść nievialikaha handlu.
Miasny restaran. Kala $160 000
U piešaj dastupnaści ad stancyi mietro «Płošča Pieramohi» možna kupić restaran ź letniaj terasaj i ruskaj łaźniaj. Beef&Fire znachodzicca na vulicy Zacharava, 31.
Ahulnaja płošča ŭsich ustanoŭ składaje 456 kv. m. Usiaho pasadačnych miescaŭ 100: 80 — u asnoŭnym zale i 20 — u VIP. Jašče 50 haściej zmohuć raźmiaścicca ŭ ciopły čas na terasie.
Unutry jość tancplacoŭka i ekran dla tranślacyi spartyŭnych mierapryjemstvaŭ.
Łaźnia maje svoj asobny ŭvachod i, aproč aparni, pakoj adpačynku i basiejn.
Pamiaškańnie znachodzicca ŭ dziaržaŭnaj arendzie, tamu ŭłaśnik abiacaje nievysokuju staŭku, a taksama havoryć ab mahčymaści dalejšaha vykupu.
Hastrabar. Kala $235 000
Na adnoj z samych papularnych u amataraŭ prahulacca pa horadzie vulic — Zybickaj — pradajecca ŭstanova «Praŭda», jakaja prapanuje kancepcyju «tancujučy restaran».
Panaramnyja vokny adkryvajuć vidy na raku Śvisłač, a interjer vykanany ŭ strymanych tanach. Ahulnaja płošča — 248 «kvadrataŭ» — uklučaje ŭ siabie zału na 75 miescaŭ, kuchniu, techpamiaškańni i ofis. A na letniaj terasie možna raźmiaścić 100 — 120 haściej. Tut hości mohuć pakaštavać jeŭrapiejskuju kuchniu i aŭtarskija kaktejli i nastojki.
Pamiaškańnie ŭ pryvatnaj arendzie z pravam padaŭžeńnia na 5 hod. Ułaśniki havorać ab napracavanaj bazie pastajannych haściej i prybytkovaści hetaha biźniesu.
Hastrabar pradajuć ź viasny, ale zaraz košt źnizili na 85 000 dalaraŭ.
Restaran hruzinskaj kuchni. Kala $1,1 młn
Budynak raźmiaščajecca na vulicy Suviazistaŭ, 4. Abharodžany ŭčastak zajmaje 34 sotki. Aproč budynka, na terytoryi jość parkoŭka dla aŭtamabilaŭ, dziciačaja placoŭka, altanki, rastuć chvoi i biarozy.
U abjavie pakazana, što ŭ pierśpiektyvie jość mahčymaść pašyreńnia, kali vy źbieraciesia pabudavać haściničny kompleks.
Natvris Chie — ustanova płoščaj u 271 «kvadrat», jakaja pracuje ŭžo 20 hadoŭ. Haściam tut prapanujuć stravy hruzinskaj kuchni.
Interjer aformleny ŭ nacyjanalnym styli. Usiaho tut 105 pasadačnych miescaŭ, raźmierkavanych na 4 zały.
U restaranie jość kamin i vystupajuć muzykanty.
Budynak pad restaran i prakat. Kala $1,3 młn
Kala stadyjona «Traktar», jaki budujecca, prapanujuć kupić novy dvuchpaviarchovy budynak na vulicy Daŭhabrodskaj. Jaho ahulnaja płošča składaje 592 kv. m., a płošča prylehłaj terytoryi — 42 sotki. Pobač z budynkam dziciačaja placoŭka. Jość 8 miescaŭ na parkoŭcy sa šłahbaŭmam.
Zała raźličana na 90 pasadačnych miescaŭ, letam dadatkova možna ŭładkavać terasu na 100 miescaŭ.
Aciapleńnie ad ułasnaj ubudavanaj kacielni na ćviordym palivie (pialetach). Kuchnia restarana abstalavanaja, jość prytokava-vyciažnaja vientylacyja.
U budynku možna taksama adkryć punkt prakatu spartovaha invientara.
Ciapier čytajuć
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia12
Kamientary