Šukajuć inviestara dla pałaca Huten-Čapskich u Pryłukach pad Minskam
Kamitet dziaržaŭnaj majomaści Minabłvykankama šukaje inviestara dla pałacava-parkavaha kompleksu ŭ Pryłukach pad Minskam. Havorka idzie pra pałac Huten-Čapskich, park i haspadarčyja pabudovy, jakija adnosiacca da kompleksu.
Na sajcie Kamiteta dziaržaŭnaj majomaści adznačajecca, što havorka idzie pra «abjekty historyka-kulturnaj spadčyny, jakija nie vykarystoŭvajucca», ich płanujecca viarnuć u haspadarčy abarot, i jany čakajuć inviestycyjnych prapanoŭ.
U śpis abjektaŭ uvachodziać, akramia pałaca, budynki byłych śvirna, karetnaj, brovara, dvuch flihielaŭ i parku. Ciapier jany naležać roznym ułaśnikam. Sam pałac naležyć RUP «Instytut abarony raślin», budynak byłoj karetnaj znachodzicca ŭ padparadkavańni HP «Žyllovik Minščyny», a astatnija haspadarčyja pabudovy (u niezdavalniajučym stanie) — na bałansie TAA »Pryłukiinviest».
Zhodna z pastanovaj urada №763 ad 13 listapada 2019 hoda «Ab uciahvańni ŭ haspadarčaje abaračeńnie majomaści, jakaja nie vykarystoŭvajecca i nieefiektyŭna vykarystoŭvajecca», takija abjekty mohuć być pradadzienyja, zdadzienyja ŭ arendu, pieradadzienyja ŭ biazvypłatnaje karystańnie, pieradadzienyja ź dziaržaŭnaj ułasnaści ŭ pryvatnuju na biazvypłatnaj asnovie.
Pryłucki ansambl — adziny dobra zachavany ŭ rajonie. Upieršyniu jon byŭ pabudavany tut Hannaj Ahinskaj u siaredzinie XIX stahodździa, a ŭ 1868 hodzie jon zhareŭ. Hraf Emieryk Huten-Čapski kupiŭ majontak u 1871 hodzie i adbudavaŭ novy pałac — pa ŭzory staroha.
Paśla 1917 hoda tut byŭ dom adpačynku i sanatoryj, padčas niamieckaj akupacyi — rezidencyja haŭlajtara.
Pry adstupleńni niemcy spalili pałac. Jon byŭ znoŭ adbudavany pa ŭzory staroha i z 1971 hoda naležyć RUP «Instytut abarony raślin». Pałacavy kompleks źjaŭlajecca materyjalnaj nieruchomaj historyka-kulturnaj kaštoŭnaściu 2-j katehoryi.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary