U Ščorsach znoŭ pasprabujuć pradać za biescań viandlarniu Chraptovičaŭ
Historyka-kulturnuju kaštoŭnaść hatovyja addać usiaho za adnu bazavuju vieličyniu, to-bok za 37 rubloŭ. Infarmacyju ab tarhach raźmiaścili na placoŭcy Dziaržkammajomaści. Aŭkcyjon maje adbycca 19 vieraśnia.
Raniej budynak byłoj viandlarni ŭžo vystaŭlali na prodaž, apošniaja sproba była ŭ lutym 2023 hoda. Tady za abjekt chacieli 9950 rubloŭ, ale budynka nichto nie nabyŭ. Paśla canu źnizili da adnoj bazavaj vieličyni — 37 rubloŭ, prodaž byŭ pryznačany na 7 žniŭnia, ale taksama byŭ biespaśpiachovy.
Siadziba ŭ Ščorsach u Navahrudskim rajonie kaliści naležała kancleru VKŁ Jaŭchimu Chraptoviču. U XVIII stahodździ jon uźvioŭ tut pałacava-parkavy ansambl u styli francuzskaha kłasicyzmu. Da našych dzion asnoŭny budynak siadziby nie acaleŭ, ale zachavaŭsia park i sažałki.
Da niadaŭniaha času ŭsie budynki siadziby ŭ Ščorsach naležali dziaržavie. Častka — adździełu kultury Navahrudskaha rajvykankama, častka — sielsavietu ŭ Ščorsach, častka — AAT «Ščorsy» (były kałhas «Zorka»). Z 2018 hoda siadzibu sprabavali pradać jak kompleks, paźniej — jak asobnyja budynki.
Inšyja budynki byłoj siadziby pradadzienyja, zastałasia tolki viandlarnia. Nižniaja častka hetaha budynka cahlanaja, nad joj vysoki dach, kryty hontaj. Na dachu płaŭnymi linijami vystupajuć vypukłyja dušniki. Cahlanyja ścieny dekaravanyja łapatkami, karnizam prostaha profilu i łučkovymi pieramyčkami nad akonnymi i dźviarnymi prajomami.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary