Finlandyja źbirajecca całkam zakryć miažu z Rasijaj, pieramovy nie dali vyniku
Krynica va ŭradzie Finlandyi paviedamiła, što zakryćcio miažy z Rasijaj moža adbycca ŭžo 22 listapada. Usiaho na rasijska-finskaj miažy dziejničajuć dzieviać KPP, ale piać ź ich byli raniej užo zakrytyja.
Rašeńnie ab zakryćci miažy moža być pryniata finskim uradam užo ŭ najbližejšy čas.
Pierad hetym Finlandyja abmierkavała z Rasijaj situacyju ź niekantralavanym prybyćciom biežancaŭ na rasijska-finskuju miažu, adnak pieramovy pa dypłamatyčnych kanałach nie dali vyniku, zajaviŭ premjer krainy Pietery Orpa.
Pavodle słoŭ finskaha premjera, jahonaja kraina maje dokazy, što rasijskija ŭłady naŭmysna prapuskali mihrantaŭ ź Siryi, Samali, Iraka, Jemiena i inšych krain biez naležnych dakumientaŭ.
«Jość prykmiety, što hetaja dziejnaść nosić arhanizavany charaktar», — padkreśliŭ Orpa.
Adkazvajučy na pytańnie ab mahčymaści poŭnaha zakryćcia miažy z Rasiejaj, Orpa skazaŭ, što ŭ vypadku, kali padziei praciahnuć raźvivacca padobnym čynam, Finlandyja «hatovaja chutka pryniać pastanovu». Jon taksama dadaŭ, što «dla ŭsich było b lepš», kali b situacyja viarnułasia na toj uzrovień, na jakim była da abmiežavańniaŭ.
Akramia zakryćcia prapusknych punktaŭ, Finlandyja nakiravała na miažu vajskoŭcaŭ. Jany buduć dapamahać budavać časovyja aharodžy dla praduchileńnia niesankcyjanavanych praniknieńniaŭ na terytoryju krainy.
Ciapier čytajuć
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali12
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary