Hałuby, jak vyśvietliłasia, nie durniejšyja za štučny intelekt — daśledavańnie
Ptuški, jakich niekatoryja ličać tupymi burkunami, nasamreč vielmi razumnyja. Navukoŭcy vyśvietlili, što jany zdolnyja vyrašać niekatoryja zadačy padobna štučnamu intelektu. Raskazvajem, jakija.
Hałuby ludźmi zvyčajna nie ŭsprymajucca surjozna. Adnak nasamreč ich intelekt dosyć vysoki: jany mohuć zapaminać ludziej, adroźnivać kolery, aryjentavacca ŭ prastory. Navukoŭcy z univiersitetaŭ amierykanskich štataŭ Ahaja i Ajova dakazali, što hetyja ptuški mohuć davać rady niekatorym zadačam tak, jak heta robić štučny intelekt. Pra heta piša vydańnie The Guardian sa spasyłkaj na daśledavańnie.
U ekśpierymiencie brali ŭdzieł 24 hałuby. Im dali roznyja vizualnyja zadańni, jakija kožnaja z ptušak vyrašała ŭ svaim tempie: kamuści spatrebiłasia niekalki dzion, a chtości raźbiraŭsia niekalki tydniaŭ. Im treba było raźmierkavać pa roznych katehoryjach roznakalarovyja linii i hieamietryčnyja fihury. Kali hołub cisnuŭ pravilnuju knopku, jamu davali korm, a za pamyłki jon ničoha nie atrymlivaŭ.
Aŭtary daśledavańnia zrazumieli, što miechanizm rašeńnia zadačy ŭ hałuboŭ taki ž, jak i ŭ štučnaha intelektu. Hałuby, jak i ŠI, nie karystalisia praviłami, a rabili ŭsio mietadam sprob i pamyłak, znachodzili zakanamiernaść dla pryniaćcia pravilnaha rašeńnia. Akramia taho, ptuški mahli adroźnivać pradmiety i vypraŭlać pamyłki. Padčas ekśpierymientaŭ ich zdolnaść vyrašać prostyja zadačy pavialičyłasia z 55% da 95%, a ŭ vypadkach z bolš składanymi zadańniami ich dakładnaść uzrasła z 55% da 68%.
Navukoŭcy ciapier źbirajucca supracoŭničać z arnitołahami i praciahvać vyvučać hałuboŭ dy ich mazhavyja zdolnaści. Jany spadziajucca, što heta dapamoža znajści efiektyŭnyja miechanizmy dla dapamohi ludziam, jakija majuć paškodžańni hałaŭnoha mozha.
U chodzie daśledavańnia, jak adznačaje The Guardian, nivodzin hołub nie paciarpieŭ.
Ciapier čytajuć
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary