Tinder: servis dla znajomstvaŭ, jaki manitorać siłaviki. Chto ŭžo patrapiŭ pad represii i jak možna abaranicca
Stali viadomyja vypadki, kali biełarusaŭ karali za fota ŭ Tinder. Zatrymańniaŭ možna było b paźbiehnuć, zrabiŭšy niekalki prostych krokaŭ.
Viadoma, što siłaviki aktyŭna manitorać servis. Naprykład, źbirajuć adtul foty karystalnikaŭ, kali tam jość niejkaja «kramoła» abo čałaviek, viadomy siłavikam. Niekatoryja z hetych fota paśla źjaŭlalisia ŭ publičnym dostupie ŭ «źliŭnych» telehram-akaŭntach, jakija viaduć supracoŭniki MUS. Vyhladaje, što jany prahladajuć ich uručnuju i prosta robiać skrynšoty akaŭntaŭ.
Viadomyja vypadki administracyjnaha i kryminalnaha palityčna matyvavanaha pieraśledu za fota ŭ Tinder. U pieršym vypadku mužčynu dali štraf za fota ŭ majcy z «Pahoniaj» (jaho asudzili pavodle art. 24.23 KaAP). U druhim nahodaj dla kryminalnaj spravy stała fota dziaŭčyny, dzie jana padčas adnaho z pratesnych maršaŭ 2020 hoda staić na darozie ź bieł-čyrvona-biełym ściaham.
Voś jakija praviły dla taho, kab siabie abaranić:
- Nie varta zahružać u servis fota z nacyjanalnymi simvałami Biełarusi abo fota z pratestaŭ, kali vy ŭ Biełarusi. Taksama mohuć być prablemy, kali ŭ vašym Tinder raźmieščanaje niešta ŭ padtrymku Ukrainy.
- Lepš nie abmiarkoŭvać ź pieršymi sustrečnymi «metčami» adčuvalnyja temy — kožny ź ich tearetyčna moža akazacca supracoŭnikam MUS.
- U samim Tinder niašmat naładaŭ pryvatnaści, ale jany jość. Pa-pieršaje, vy možacie zrabić tak, kab vam mahli pisać tolki ludzi z paćvierdžanymi fota, što abaronić vas nie stolki ad siłavikoŭ (mahčyma, tolki ad abmierkavańnia ź imi adčuvalnych temaŭ), kolki ad machlaroŭ.
- Pa-druhoje, kali vy majecie Tinder Plus (abo vyšejšy status), to vy možacie zrabić tak, kab vaš akaŭnt bačyli tolki tyja, kamu vy pastavili łajk. Heta abaronić jaho ad prahladu zusim vypadkovymi ludźmi. U takim vypadku maje sens vyklučyć siabie jašče i z punktu «Znachodki».
«Naša Niva» — bastyjon biełaruščyny
PADTRYMAĆCiapier čytajuć
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy5
Kamientary
chorošaja rabota - torčať na sajtie znakomstv, najti podchodiaŝuju dievčonku, obobrať jeje, a to i pochitiť, dieržať v zatočienii, istiazať jeje...
kakije eto staťji Zakona ?