Što mienavita siłaviki praviarajuć u smartfonach zatrymanych biełarusaŭ i jak abaranicca
«Kibierpartyzany» padrychtavali rekamiendacyi na padstavie źviestak ludziej, u jakich nadhladali smartfony. Siłavikoŭ cikavić nie tolki Telegram.
Pa źviestkach «Kibierpartyzanaŭ», siłaviki najpierš hladziać:
- YouTube — padpiski, łajki, kamientary, zachavanyja videa;
- Telegram — kanały, čaty, kantakty;
- halereju z fota i videa sa smartfona;
- inšyja sacsietki.
Taksama jany kažuć, što siłaviki mohuć spytacca pra toje, ci čytajecie vy «ekstremisckija resursy» i što dumajecie pra łukašenkaŭskuju ŭładu, a taksama — čamu.
Voś što «Kibierpartyzany» rajać zrabić zahadzia:
1. Vyjdzicie na telefonie z taho akaŭnta Google, ź jakoha vy prahladajecie sacyjalna-palityčnyja videa na YouTube. Hladzicie jutub abo biez uvachodu ŭ akaŭnt (da prykładu, z braŭziera), abo zachodźcie ŭ «pratesny» akaŭnt tolki padčas prahladu takoha kantentu.
2. Kali pieršy punkt vykanać składana, prynamsi vydalajcie videa z raździełu «Historyja» na YouTube adrazu paśla prahladu. Nie pakidajcie łajki i kamientary ź nie-pratesnaha Google-akaŭnta.
3. Taksama možna zrabić tak, kab YouTube nie zachoŭvaŭ historyju prahladaŭ.
4. Vydalicie nieananimnyja akaŭnty ŭ sacsietkach, kali pakidali ź ich łajki i kamientary, za jakija mohuć zatrymać. Pierad hetym kamientary možna vydalić, a łajki prybrać — ale kali jon zanadta stary, to lepš vydalić jaho ŭ lubym vypadku.
Raskazvajem, jak daviedacca, dzie i kamu vy stavili łajki ŭ sacsietkach, i pierastrachavacca
5. Ustalujcie Partyzanski telehram i zaviadzicie ŭ im asobny akaŭnt dla sacyjalna-palityčnych kanałaŭ i čataŭ. U naładach P-telehrama zrabicie tak, kab pry ŭvachodzie iłžyvaha kod-parola vy vychodzili z «pratesnaha» akaŭnta i čyściŭsia jahony keš.
6. Naładźcie ŭ Partyzanskim telehramie aŭtamatyčnuju ačystku kešu pry błakavańni prahramy. Instrukcyi pa naładžvańni prahramy jość u kanale «P-telehram i kibierbiaśpieka».
7. Vydalicie ŭ halerei telefona ŭsie fota i videa, jakija mohuć stać padstavaj da vašaha zatrymańnia. Nie zabudźciesia taksama ačyścić ich z papki «Košyk»/«Vydalenyja».
8. Nie staŭcie ŭ jakaści zastaŭki na smartfonie pratesnyja fota, asabliva kali vy viedajecie pra mahčymy chutki dahlad (naprykład, pry prachodzie miažy).
Čytajcie taksama:
Jak nadziejna vyčyścić foty z vašych smartfonaŭ — padrabiazny hajd
Zatrymali biełarusa, jaki viarnuŭsia z-za miažy, — za kamientary z 2020 hoda. Raskazvajem, jak jaho znajšli
Važna viedać. Jakim čynam represiŭnyja orhany dastajuć užo vydalenuju infarmacyju z Telegram i što možna z hetym zrabić?
Jak pravilna čyścić svoj akaŭnt u Instagram, kab zaścierahčy siabie. Padrabiazny hajd
-
Julija Mickievič pra Cichanoŭskaha: Turma nikoha nie robić lepšym, tolki horšym
-
Jaŭhien Afnahiel raskazaŭ, što było paśla suda, dzie skandavali «Vierym, možam, pieramožam!» I nazvaŭ, chto dla jaho sapraŭdny lidar Biełarusi
-
Jaŭhien Afnahiel: Piać hadoŭ turmy taho kaštavali, tamu što ja bačyŭ Biełaruś svabodnaj
Ciapier čytajuć
Jaŭhien Afnahiel raskazaŭ, što było paśla suda, dzie skandavali «Vierym, možam, pieramožam!» I nazvaŭ, chto dla jaho sapraŭdny lidar Biełarusi3
Kamientary
Kali atrymali admovu (kažu, što nia pamiataju, ale treba razumieć, što takaja admova ŭžo sama pa sabie moža nieści peŭnyja niepryjemnyja nastupstvy, tamu treba ŭsio ŭzvažvać), pačali łamać hety parol, to bok z majho th dasłali zapyt na sbros parolu.
Im, siłavikam, pryjšoŭ adkaz, što sbros parolu staniecca mahčymym praz 7 dzion.
Jak mnie paśla rastłumačyli našyja admysłoŭcy, śkinŭnšy parol, siłaviki paśla b atrymali mahčymaść padłučacca da majho th ź luboj pryłady plus vykačać adtul ŭsio, što tolki mahčyma.
Tamu ŭsim, chto znachodzicca ŭ Biełarusi, nastojliva raju być zaŭsiody padrychtavanym da roznych niečakanych sytuacyjaŭ i pravierak telefonu, maksymalna zaścierahčy siabie, ustalavać tam usie mahčymyja zachady biaśpieki. I numar adzin - abaviazkova dvuchetapnuju aŭtentyfikaju.
Bieražycie siabie, šanoŭnyja biełarusy, budźcie pilnymi!