U Rumynii Kanstytucyjny sud abviaściŭ ciapierašniaha kiraŭnika dziaržavy Trajana Besesku pieramožcam u druhim tury prezidenckich vybaraŭ. Rašeńnie suda kančatkovaje.
Sudździ adchilili patrabavańnie Sacyjał‑demakratyčnaj partyi i jaje kandydata Mirča Džaane ab anulavańni vynikaŭ druhoha tura vybaraŭ i jaho paŭtornym praviadzieńni. Džaane spasyłaŭsia na parušeńni, jakija, na jaho dumku, śviedčyli ab falsifikacyjach na karyść Besesku.
Džaane pryznaŭ svaju parazu, ale skazaŭ: «Padazreńni ŭ falsifikacyjach na prezidenckich vybarach jašče doŭha buduć pieraśledvać Rumyniju i našu demakratyju. Jak hramadzianin demakratyčnaj Rumynii ja padparadkoŭvajusia rašeńniam suda i žadaju Trajanu Besesku pośpiechaŭ padčas novaha prezidenckaha termina».
U druhim tury Džaane sastupiŭ ź mienš čym adnym pracentam hałasoŭ. Na minułym tydni sud zadavoliŭ patrabavańnie apazicyjnaha kandydata ab pierapadliku niesapraŭdnych biuleteniaŭ. U vyniku adryŭ Besesku ad Džaane tolki pavialičyŭsia.
Kamientary