Na naradzie jon «žorstka raskrytykavaŭ dziaržaŭnyja srodki masavaj infarmacyi, jak drukavanyja, tak i elektronnyja».
14 śniežnia na naradzie ab zadačach pa vyrašeńni najbolš aktualnych pytańniaŭ sacyjalna-ekanamičnaha raźvićcia Biełarusi ŭ 2010 hodzie Alaksandr Łukašenka «žorstka raskrytykavaŭ dziaržaŭnyja srodki masavaj infarmacyi, jak drukavanyja, tak i elektronnyja», paviedamiła pres-słužba prezidenta.
«Srodki masavaj infarmacyi nijak siońnia nie pracujuć. Televizar: jak u vas, tak i, na ščaście dla nas, za miažoj hladzieć niama čaho. Radyjo ŭ Biełarusi ŭžo nichto nie słuchaje. A pa televizary hladziać klipy, i toje nie ŭsie. Zabaŭlałaŭka, usio heta niecikava», — skazaŭ Łukašenka.
Pavodle słoŭ biełaruskaha kiraŭnika, u jaho skłałasia ŭražańnie, što «tam užo i kiraŭniki zabyli, što jany źjaŭlajucca subjektami ideałahičnaj raboty». U hetaj suviazi Łukašenka źviarnuŭ uvahu kiraŭnika svajoj administracyi Uładzimira Makieja na niedastatkovaść ideałahičnaj raboty, što pravodzicca ŭ krainie.
Jon ličyć taksama nieabchodnym źviarnuć pilnuju ŭvahu na rabotu ŚMI ŭ rehijonach. Rehijanalnyja maśmiedyja «nie pavinny zajmacca ŭschvaleńniem miascovaj ułady, i kali jość fakty dla krytyki, to nie zamoŭčvać ich, jak by heta ni hučała niepryjemna dla miascovaj ułady».
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju1
Kamientary