Jeŭropa nikoli nie budzie ŭ biaśpiecy, kali Biełaruś zastaniecca ŭ kipciurach Rasii — Cichanoŭskaja
Śviatłana Cichanoŭskaja vystupiła z ustupnym słovam da panelnaj dyskusii «U pošukach zrazumiełaj palityki kalektyŭnaha Zachadu ŭ adnosinach da Rasii» na Varšaŭskaj kanfierencyi pa biaśpiecy. U jaje vystupleńni ŭtrymlivalisia niekalki pałažeńniaŭ, jakija možna ličyć dla biełaruskaha demakratyčnaha ruchu prahramnymi.
«Usio minułaje stahodździe my, biełarusy, znachodzilisia ŭ liku tych, chto žyŭ u čornym cieni Rasii. Razam ź litoŭcami, estoncami, ukraincami, hruzinami i mnohimi inšymi narodami.
U rešcie rešt my ŭsie vyjšli z hetaha cieniu. My, biełarusy, dakładna zrabili heta ŭ 2020 hodzie, z našaj mirnaj revalucyjaj, jakaja praciahvajecca dahetul», — adznačyła Cichanoŭskaja. Pavodle jaje:
«Paśla 2020 hoda ŭvieś śviet viedaje, što Biełaruś — heta nie Rasija. I nikoli joj nie budzie.
Śviet pavinien pierastać dumać pra Biełaruś jak pra niejkuju častku Rasii. U nas inšaja kultura, inšaja historyja, inšaja mova. U nas jość ułasnaja identyčnaść. My byli častkaj Jeŭropy za šmat stahodździaŭ da taho, jak Rasija pryjšła ŭ Biełaruś».
Cichanoŭskaja padkreśliła:
«Časam čuju, što Biełaruś — «prajhranaja sprava». Ale Ukraina — a faktyčna, i ŭsia Jeŭropa — nikoli nie budzie ŭ biaśpiecy, kali Biełaruś zastaniecca ŭ kipciurach Rasii. Biełaruski supraciŭ maje klučavoje značeńnie».
«Biełaruś moža stać historyjaj pośpiechu. Ale my musim dać ludziam nadzieju.
Takoj nadziejaj źjaŭlajecca jeŭrapiejskaja pierśpiektyva Biełarusi jak alternatyva «Ruskamu śvietu».
I narešcie — davajcie dapamožam Ukrainie vyjhrać hetuju niespraviadlivuju vajnu.
Pieramoha Ukrainy stanie kančatkovaj parazaj Pucina i Łukašenki. Pakul my havorym, mnohija biełarusy zmahajucca za svabodu Ukrainy. Mnohija ź ich addali svaje žyćci ŭ hetaj baraćbie.
Bo my razumiejem, što heta nie prosta ich baraćba — heta naša ahulnaja baraćba za svabodu», — padkreśliła Cichanoŭskaja.
Udzielnikam hetaj panelnaj dyskusii byli taksama štatnaja ahladalnica vydańnia The Atlantic (ZŠA) En Epłbaŭm, były prezident Estonii Toamas Chiendryk Ilvies, adzin ź lidaraŭ rasijskaj apazicyi Hary Kasparaŭ i były ministr zamiežnych spraŭ Litvy Linas Linkiavičus.
Raniej, vystupajučy na inšaj paneli hetaj samaj kanfierencyi, Cichanoŭskaja pravodziła tuju ž samuju klučavuju ideju:
«U 2020 hodzie hieapalityčny vybar nie stajaŭ na paradku dnia. Ludzi pratestavali suprać tyranii. My zmahalisia za demakratyju.
Ciapier my taksama zmahajemsia za svaju niezaležnaść i za samo vyžyvańnie Biełarusi jak nacyi. A heta mahčyma tolki ŭ tym vypadku, kali Biełaruś stanie častkaj Jeŭrasajuza. U Biełarusi, jak i ŭ Ukrainy, nie moža być budučyni z Rasijaj».
Čytajcie taksama:
Na ŭdzielnikaŭ marafonu salidarnaści «Nam nie ŭsio adno» zaviali kryminalnuju spravu
Ambasadar Michalski raskazaŭ pra Makieja, sustreču ŭ Vatykanie, rolu emihracyi i movu jak pavietra
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary