Mikita Najdzionaŭ vyjechaŭ ź Biełarusi. I poŭny raniejšaha ahniavoha humaru
Biełaruski paet i muzyka Mikita Najdzionaŭ, jakoha ŭ lipieni łukašenkaŭski sud asudziŭ na try hady «chatniaj chimii», raźmiaściŭ u instahramie dopis, u jakim paviedamlaje, što jamu ŭdałosia vyjechać ź Biełarusi ŭ Polšču.
«Stolki ŭsiaho zdaryłasia za mnoj za apošnija paŭhady! Takaja faktura, choć u stendap, choć na novy zbornik.
Žyvu ŭ Varšavie, stroju płany, i jość adčuvańnie, što ŭsio atrymajecca…
Časta pišuć «dalšie — bolšie», i robiać pamyłku, bo pravilna «dalšie — Polša», — z ułaścivym jamu humaram piša Najdzionaŭ.
Mikita Najdzionaŭ — biełaruski paet i muzyka, były frantmien hurta Hurma, a taksama aŭtar šerahu piesień roznych artystaŭ. U 2015 hodzie staŭ uładalnikam premii «Załaty Apostraf» u naminacyi «Debiut» za najlepšuju publikacyju vieršaŭ u časopisie «Dziejasłoŭ».
Najdzionava zatrymali sioleta 25 sakavika. Jaho abvinavačvali pavodle art. 342 KK «Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich». Pravaabarončaja supolnaść Biełarusi pryznała Najdzionava palitviaźniem.
Z kanca krasavika jon znachodziŭsia ŭ SIZA № 8 Žodzina. U lipieni jaho pieraviali sa Śledčaj turmy № 8 u SIZA-1 u Minsku.
24 lipienia sudździa Maryna Klimčuk u sudzie Leninskaha rajona Minska vyniesła Mikitu Najdzionavu prysud. Jamu dali 3 hady abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaja chimija»). Paśla abnarodavańnia prysudu Najdzionava vyzvalili z-pad varty ŭ zale suda.
22 vieraśnia stała viadoma, što Mikitu Najdzionava MUS uklučyŭ u svoj «śpis ekstremistaŭ».
Ciapier čytajuć
Jak u halečy śpivałasia radnia Łukašenki? Małaviadomyja fakty29
Kamientary