Psieŭdaśpiecnazaviec Zasłaŭski-Aŭtuchovič paśla adsiedki praciahvaje razvodzić siłavikoŭ, ale ŭžo rasijskich
Nieadnarazova sudzimy za razboi Siarhiej Aŭtuchovič, jaki vydavaŭ siabie za aficera-jabaćku z unutranych vojskaŭ i takim čynam prabraŭsia ŭ kabiniety top-čynoŭnikaŭ, nie dumaje spyniacca. Dniami jon atrymaŭ orden ad rasijskaha Sajuza desantnikaŭ.
Siarhiej Aŭtuchovič adnaviŭ svaju aktyŭnaść paśla palityčnych sutak na Akreścina.
Čytajcie taksama: Jabaćka lejtenanta Šmita. Šmatrazova sudzimy recydyvist vydaŭ siabie za vieterana śpiecnaza i daros da ministerskaha ŭzroŭniu RASŚLEDAVAŃNIE
Vyhladaje, što Aŭtuchovič, jaki nazyvaje siabie Zasłaŭskim, kab schavać kryminalnaje minułaje, pačaŭ aryjentavacca na rasijski rynak.
U jahonym instahramie apublikavana videa, jak jon atrymlivaje orden «Honar i abaviazak» ad rasijskaha Sajuza desantnikaŭ. Uručeńnie adbyvałasia ŭ Katyni — miescy rasstrełu aficeraŭ polskaha vojska savieckimi karnymi orhanami.
«Byŭ ahałomšany jaho spartovymi vynikami. Vyšejšaja ŭznaharoda Mižnarodnaha sajuza desantnikaŭ (pra orden — NN). Im uznaharodžvajucca siłavyja struktury, značnyja ludzi […]», — vystupaje Valeryj Siedziukoŭ, jaki na sajcie rasijskaha Sajuza desantnikaŭ paznačany jak člen kantrolna-revizijnaj kamisii Mižnarodnaha sajuza desantnikaŭ i kiraŭnik filijała ŭ Biełarusi.
Jak tłumačyć sam Zasłaŭski-Aŭtuchovič, jaho ŭznaharodzili «za asablivyja zasłuhi va ŭmacavańni i zabieśpiačeńni bajazdolnaści vajenna-desantnych vojskaŭ Rasijskaj Fiederacyi, źjadnańni desantnaha braterstva». Detali nie tłumačacca.
Tym časam u apisańni ordena havorycca, što im mohuć być uznaharodžanyja adstaŭniki pavietrana-desantnych i aeramabilnych vojskaŭ, vojskaŭ śpiecyjalnaha pryznačeńnia i marskoj piachoty.
Siarhiej Zasłaŭski nikoli nie słužyŭ u vojsku, a jahonyja adnosiny ź siłavikami da ŭźlotu ŭ 2020-m mieli vyklučna vymušany charaktar jak adnosiny padsudnaha i kanvairaŭ.
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8
Kamientary
Sierhiej Avtuchovič po dokumientam, Sierhiej Zasłavskij po psievdonimu)
Riecidivist, nie słuživšij nihdie, na foto v majorskich pohonach)