«Vohnienny šar» pad Oksfardam. Z-za ŭdaru małanki vybuchnuŭ haz na zavodzie pa pierapracoŭcy adkidaŭ
U tušeńni pažaru brali ŭdzieł šeść pažarnych mašyn i 40 pažarnych.
U anhlijskim hrafstvie Oksfardšyr udar małanki pryvioŭ da mahutnaha vybuchu hazu na zavodzie pa pierapracoŭcy adkidaŭ, piša Bi-bi-si.
Haz vybuchnuŭ u reziervuary, dzie charčovyja adkidy pierapracoŭvajucca ŭ bijahaz. Zavod znachodzicca ŭ vioscy Kasinhtan pobač z Oksfardam, na paŭnočny zachad ad jaho.
Pry vybuchu i pažary nichto nie paciarpieŭ. U tušeńni pažaru brali ŭdzieł šeść pažarnych mašyn i 40 pažarnych.
U prylehłych rajonach z-za vybuchu adklučyłasia elektryčnaść; na čas tušeńnia pažaru palicyja pierakryła šašu ad paŭnočnaj uskrainy Oksfarda da susiedniaha haradka Ajnšam.
«Ja siadzieŭ na kuchni, i raptam usio pamiaškańnie aśviatliłasia jarkim biełym śviatłom, a potym pačuŭsia mahutny tresk, jak ad vielmi mahutnaj małanki, — raspavioŭ Bi-bi-si supracoŭnik Oksfardskaha ŭniviersiteta Džek Fraŭd. — Ja vyhlanuŭ u akno i ŭbačyŭ, što nieba byccam pulsuje aranžavym śviatłom. Ja vybieh na dvor, kab źniać heta aranžavaje śviatło, a jano praz 20 siekundaŭ pahasła».
«Ja spačatku padumaŭ, što sonca siadaje, pakul nie ŭbačyŭ mihcieńnie i dym, — raspavioŭ inšy miascovy žychar Ściuart Choskinh. — A potym prahrymieŭ byccam udar padčas navalnicy, ale tolki adzin udar».
Jak praviła, navalnicy ŭ Anhlii ŭ kastryčniku — vialikaja redkaść. Sioleta mietearołahi źviazvajuć ich ź nietypova vysokimi tempieraturami. Pa ich prahnozach, navalnicy na paŭdniovym uschodzie i poŭdni Anhlii buduć praciahvacca jašče niekalki dzion.
-
Rasijskija siłaviki adrezali hienitalii azierbajdžancam, zakatavanym da śmierci padčas rejdu ŭ Jekaciarynburhu
-
«Ukrainskija dzieci nie vinavatyja ŭ tym, što robić były akcior». U Vienhryi zajavili, što mohuć spynić pastaŭki elektryčnaści ŭ Ukrainu, ale pakul nie buduć
-
Jak Kreml vydaje staryja videa z Pucinym za novyja sustrečy, u tym liku i pierad sustrečaj z Uitkafam
Ciapier čytajuć
Anatol Kotaŭ užo vyjazdžaŭ u Turcyju i ličyŭ jaje biaśpiečnaj — krynicy2
Kamientary