Siońnia ŭ Stakholmie startavaŭ Nobieleŭski tydzień — abviaščeńnie nobieleŭskich łaŭreataŭ. Pieršymi nazyvajucca nobieleŭskija łaŭreaty ŭ halinie fizijałohii i miedycyny.
Nobieleŭskaja premija pa fizijałohii i miedycynie 2023 hoda prysudžana Katalin Karyko i Dru Vajsmanu «za ich adkryćci, jakija datyčać madyfikacyj nukleazidnych asnoŭ, što dazvolili raspracavać efiektyŭnyja mRNK-vakcyny suprać COVID-19».
U aŭtorak abvieściać uładalnika premii pa fizicy, u sieradu — pa chimii, u čaćvier — pa litaratury.
U 2015 hodzie nobieleŭskaj łaŭreatkaj pa litaratury stała biełaruskaja piśmieńnica Śviatłana Aleksijevič.
Łaŭreata premii miru nazavuć u piatnicu ŭ Osła (Narviehija).
Hod tamu Nobiela zavajavaŭ staršynia pravaabarončaha centra «Viasna» Aleś Bialacki, jaki na toj čas užo 15 miesiacaŭ byŭ za kratami. U sakaviku 2023 hoda jaho asudzili na 10 hadoŭ kałonii.
I apošni łaŭreat budzie nazvany ŭ nastupny paniadziełak, heta łaŭreat premii pa ekanomicy.
Nobieleŭskaja premija 2023 hoda praduhledžvaje ŭznaharodu ŭ 11 młn šviedskich kron (kala 980 tysiač dalaraŭ).
Uručeńnie nobieleŭskich premij prachodzić u śniežni.
Kamientary