Biełaruska Nastaśsia Horbań atrymała ŭznaharodu ad 108-ha ŭčastka palicyi Ńju-Jorka za «nadzvyčajnuju śmiełaść, spahadlivaść, čałaviečnaść, imhniennuju acenku situacyi i pryniaćcie mier dla vyratavańnia žyćcia čałavieka».
Ranicaj 20 žniŭnia padčas niadzielnaj prabiežki Nastaśsia zaŭvažyła na moście pamiž Bruklinam i Kvinsam dziaŭčynu, jakaja vidavočna mieła namier skončyć žyćcio samahubstvam: jana siadzieła na kraju mosta, trymajučysia za parenčy.
Biełaruska pasprabavała pahavaryć ź dziaŭčynaj, ale taja nijak nie reahavała na ŭhavory — a potym raptam adpuściła ruki ad parenčaŭ.
Na ščaście, Nastaśsia paśpieła złavić dziaŭčynu za nahu i trymała jaje nad vadoju, pakul na miesca nie prybyła palicyja, jakuju, vierahodna, vyklikaŭ chtości z prachožych, pišuć suajčyńniki ŭ supołcy «Biełarusy ZŠA. Razam lahčej».
Ciapier čytajuć
Novy staršynia Kanstytucyjnaha suda adpraviŭ syna vučycca na raźviedčyka ŭ akademiju HRU. A jak pačałasia vajna, chutčej zabraŭ z Rasii13
Kamientary