Spartyŭnaha błohiera buduć sudzić za «sadziejničańnie ekstremisckaj dziejnaści»
U Minskim haradskim sudzie 27 vieraśnia raspačniecca sud nad aŭtaram telehram-kanała «Sieriebrianyj viek. Futboł Biełarusi», byłym supracoŭnikam «Narodnaj haziety» Dźmitryjem Sielviestrukom. Jaho abvinavačvajuć u «sadziejničańni ekstremisckaj dziejnaści», piša «Viasna».
Pra zatrymańnie Dźmitryja stała viadoma ŭ pačatku maja 2023 hoda. Paviedamlałasia, što jaho źmiaścili ŭ izalatar časovaha ŭtrymańnia. Jakuju mieru strymańnia abrali błohieru — pravaabaroncam nieviadoma.
Akaličnaści spravy pravaabaroncam taksama nieviadomyja, bo z pačatku maja pra błohiera nie było nijakich źviestak. Praces budzie vieści Śviatłana Čarapanava.
Dźmitryju pahražaje da šaści hadoŭ kałonii.
Biełaruskaja asacyjacyja žurnalistaŭ pisała, što Dźmitryju Sielviestruku 33 hady, jon vypusknik fakulteta žurnalistyki Biełdziaržuniviersiteta. Doŭhi čas pracavaŭ u dziaržaŭnaj «Narodnaj haziecie», śpiecyjalizavaŭsia na sacyjalnych temach i IT-industryi.
Pastupova pieraaryjentavaŭsia na spartyŭnyja naviny, pačaŭ supracoŭničać sa śpiecyjalizavanym resursam Football.by.
Try hady tamu zapuściŭ ułasny prajekt «Sieriebrianyj viek. Futboł Biełarusi», jaki, dziakujučy insajdarskim krynicam, staŭ davoli papularnym. Kanał naličvaje amal 2000 padpisčykaŭ. Apošni raz abnaŭlaŭsia piataha maja.
-
Na radzimie Kastusia Kalinoŭskaha bura paškodziła staryja mohiłki. Pravasłaŭnaja parafija prosić dapamohi — abo hrašyma, abo chto moža pryjechać ź bienzapiłkaj
-
Stała viadomaja pryčyna niadaŭniaha pažaru ŭ centry Minska
-
«Dabralisia i da sabak». Mikoła Statkievič raskazaŭ pra śpiecapieracyju suprać jahonych hadavancaŭ
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam5
Kamientary