Hramadstva22

Raźlik na kartku i 100% pieradapłata. Jak machlary pradajuć kvietki praź instahram

Bukiet z 51 ružy za 140 rubloŭ ci 101 ruža za 250. Takija sałodkija ceny na kvietki možna ŭbačyć u instahram-akaŭncie, jaki pradaje bukiety pa akcyjnych cenach z dastaŭkaj u luby punkt Biełarusi.

Ilustracyjnaje fota: «Naša Niva»

Siomaja nazva mienš čym za dva hady

Machlarski akaŭnt, na jakim raźmieščana rekłama ab prodažy kvietak pa niečuvana nizkich cenach, nazyvajecca cvetok.boutique.by. Jon byŭ stvorany ŭ lutym 2022 hoda, a pieršy dopis u im datujecca tolki 27-28 studzienia 2023 hoda. Apošniaja publikacyja była zroblenaja 8 lutaha hetaha hoda. Za hety čas profil užo šeść razoŭ mianiaŭ nazvu. Ciapier na jaho padpisana amal 10 tysiač čałaviek.

Skrynšot z akaŭnta cvetok.boutique.by

I kali dopisy daŭno nie abnaŭlalisia, to śviežyja historyi ź niečuvanymi akcyjami na bukiety z 51 i sa 101 kvietki źjaŭlajucca rehularna.

Skrynšot z akaŭnta cvetok.boutique.by

Bukiety pryhožyja, a ceny pryvabnyja. Napeŭna, nidzie bolš, aproč jak u machlaroŭ, takija bukiety za takija hrošy nie sustrakajucca.

Machlary davoli chutka adkazvajuć na paviedamleńni ŭ sacsietkach. Jany hatovyja pryvieźci bukiety ŭ luby punkt Biełarusi, pry hetym nie patrabujuć dadatkovaj apłaty za dastaŭku. Złamyśniki śćviardžajuć, što kvietki buduć dastaŭlenyja kurjeram na aŭtamabili z kandycyjanieram u luby zručny dla vas čas.

Kali patencyjny klijent, a pa fakcie patencyjnaja achviara machlaroŭ, pahadžajecca na nadzvyčajna pryvabnyja ŭmovy dastaŭki, klijenta prosiać vysłać adras, imia, proźvišča atrymalnika, kantaktny numar i pažadany čas dastaŭki.

Skrynšot pierapiski 

Paśla taho jak machlary atrymlivajuć hetyja źviestki, jany chutka vysyłajuć paviedamleńnie, dzie paznačajuć, što pracujuć pa 100% pieradapłacie, i adrazu abhruntoŭvajuć heta tym, što ŭ ich stali čaściej źjaŭlacca niesapraŭdnyja zakazy, admovy ad bukietaŭ, kali tyja ŭžo byli hatovyja i h.d.

Raźličvacca prapanujuć nie na rachunak IP abo jurydyčnaj asoby, a praz zvyčajnaje papaŭnieńnie bankaŭskaj kartki, jakaja naležyć fizičnaj asobie.

Skrynšot pierapiski

Nadzvyčaj nizkija ceny, hatoŭnaść biez dadatkovaj apłaty dastavić kvietki ŭ luboje miesca i prapanova raźličycca šlacham pieravodu hrošaj na kartku fizičnaj asobie — nie adzinyja zvanočki, jakija mohuć dapamahčy zrazumieć, što heta machlary.

Fotazdymki, jakija machlary raźmiaščajuć u profili, prosta ŭziatyja ŭ internecie. Naprykład, fota vielizarnaha bukieta, jaki składajecca z ruž biełaha i čyrvonaha koleraŭ, pieršapačatkova było apublikavana na sajcie pradaŭca kvietak u rasijskim Varoniežy.

Skrynšot ź instahram-profila cvetok.boutique.by i sajta cvetochnidvorik.ru. Kałaž: «Naša Niva»

Rasijskija pradaŭcy pradajuć bukiet sa 101 ružy pa 13 780 rasijskich rubloŭ. Heta kala 460 biełaruskich rubloŭ. Machlary ž «pradajuć» padobnyja bukiety pa 250 rubloŭ.

Jašče adzin zvanočak, jaki musić naściarožyć, — heta abmiežavanaja mahčymaść pakidać kamientary pad dopisami.

Adznačym, što heta nie pieršy vypadak, kali infarmacyja pra kvietkavych machlaroŭ dachodzić da ŚMI. Vyhladaje, što vypadki, kali ludzi viaducca na nizkija ceny i pieraličvajuć hrošy machlaram, nie adzinkavyja.

Časam ludzi hublali nie tolki hrošy, jakija jany pieraličyli za kvietki. U adnych vypadkach machlary dadajuć achviar u čorny śpis, paśla taho jak atrymajuć hrošy, a ŭ inšych pahadžajucca viarnuć hrošy za kvietki, jakija ŭ ich nibyta nie atrymałasia dastavić u damoŭleny čas. U takich vypadkach jany dasyłajuć achviaram spasyłki na admysłovyja sajty, dzie dziela viartańnia hrošaj treba ŭvieści ŭsie rekvizity bankaŭskaj kartki, u tym liku CVV-kod.

Čytajcie taksama:

Jak machlary padmanvajuć biełarusaŭ. Sabrali najbolš papularnyja mietady

Minskaja firma prapanuje mašyny ź Jeŭropy na zamovu pa nierealna nizkich cenach. U čym padvoch?

Novy vid machlarstva? Biełarusam prapanujuć adpačynak u nieisnujučym domie na drevie

«Za košt amartyzacyi pry lizinhu mašyna vychodzić na 40% tańniej». U Biełarusi aktyvizavalisia aŭtamachlary. Pa jakoj schiemie jany pracujuć?

Kamientary2

  • SHOS
    24.09.2023
    A krasaucy tolko bčb iŝut v intierniet, da? Do etoho dieła nietu?
  • mikola
    24.09.2023
    debily....

Ciapier čytajuć

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia8

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia

Usie naviny →
Usie naviny

Minskaja dyzajnierka: Razmaŭlać pa-biełarusku, nie spytaŭšy surazmoŭcu, ci zručna jamu, — śvinstva88

U Amurskaj vobłaści Rasii dziaŭčyna vypadkova vykinuła $75 tysiač. Uvišnyja susiedzi znajšli na śmietniku: častku prapili, na reštu kupili dom1

Na vulicy Matusieviča ŭ Minsku pobač ź dziciačym sadkom upaŭ bieśpiłotnik38

Kamandarm Litvy: Moža być i tak, što nijaki abjekt u Litvu ź Biełarusi i nie zalataŭ4

U achoŭnika Pucina zaŭvažyli ŭ rukach nieviadomuju pryładu. Ekśpierty vyznačyli jaho jak dron-pierachopnik4

Rasija ŭdaryła pa kałonii ŭ Zaparožskaj vobłaści. Zahinuli 16 čałaviek

«Fantastyčnaja čaćviorka: Pieršyja kroki» — novy błakbastar z supierhierojami i Piedra Paskalem. Tam zhadvajecca i Minsk3

Jak źmianilisia biełarusy paśla 2020 hoda? Cikavaje nazirańnie byłoha palitviaźnia8

Ukrainskija bieśpiłotniki atakavali bujny čyhunačny vuzieł u Rastoŭskaj vobłaści2

bolš čytanych navin
bolš łajkanych navin

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia8

Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić