Prezident Brazilii adklikaŭ zajavu, što Pucina nichto nie aryštuje pa pryjeździe ŭ krainu
Raniej prezident Brazilii zajaŭlaŭ, što Pucin moža spakojna pryjazdžać u Braziliju na nastupny samit G20 i nichto jaho nie zatrymaje. Ciapier ža jon zajaviŭ, što «nie viedaje, ci aryštuje Pucina brazilskaje pravasudździe».
Jon dadaŭ, što rašeńni prymaje nie ŭrad, a sudovaja ŭłada.
Raniej Łuła da Siłva zajaviŭ, što Pucin spakojna moža pryjechać u Braziliju.
«Ja liču, što Pucin moža lohka pajechać u Braziliju. Mahu vam skazać, što kali ja budu prezidentam Brazilii i jon pryjedzie ŭ Braziliju, jaho ni za što nie aryštujuć», — skazaŭ prezident krainy
17 sakavika 2023 hoda Pałata dasudovaj vytvorčaści II Mižnarodnaha kryminalnaha suda vydała ordary na aryšt prezidenta Rasii Uładzimira Pucina i Maryi Lvovaj-Białovaj, jakaja źjaŭlajecca ŭpaŭnavažanaj prezidenta RF pa pravach dziciaci.
Usie krainy — siabry Mižnarodnaha kryminalnaha suda ciapier jurydyčna abaviazanyja zatrymać i pieradać u sud Pucina.
6 krasavika Łuła da Siłva prapanavaŭ, kab Ukraina sastupiła Krym Rasii, kab pakłaści kaniec vajnie.
Na naradzie ŭ Łukašenki publična pasvarylisia čynoŭniki. Jon nie viedaŭ, kaho padtrymać15
Kamientary