«Ja baču, što my zbližajemsia». Ejsmant raspavioŭ, što rasijan u biełaruskim teleefiry stanie jašče bolš
Rasijanie chočuć stvarać sumiesny ź biełarusami zabaŭlalny kantent, a biełarusy zacikaŭleny ŭ ekśpiertach. Pra heta paviedamiŭ žurnalistam staršynia Biełteleradyjokampanii Ivan Ejsmant, piša «Sputnik».
«Vielmi vialikaja cikavaść u rasijskich internet-płatform da našaha prajekta «Faktor.baj». Jany pryjazdžali siudy, byli pieramovy i źbirajucca ŭvajści ŭ hety siezon sa svaimi mahčymaściami. Što datyčycca hłabalnych prajektaŭ, my adkryty da ŭsiaho, ale dla hetaha treba sustrakacca z najbujniejšymi top-mieniedžarami rasijskich telekampanij i niešta abmiarkoŭvać. Ale ŭ cełym ja baču, viadoma, što my zbližajemsia», — raspavioŭ Ejsmant, adkazvajučy na pytańnie pra płany supracoŭnictva «Biełteleradyjokampanii» z rasijskimi telekanałami.
Pavodle jaho, praciahniecca praktyka zaprašeńnia rasijskich ekśpiertaŭ u biełaruski teleefir.
«Heta novaje dychańnie i dumki», — skazaŭ kiraŭnik «Biełteleradyjokampanii».
Jon raskazaŭ, što ŭžo jość ceły śpis śpiecyjalistaŭ, jakich Minsk budzie zaprašać dla taho, kab pašyryć ekśpiertnuju supolnaść.
Akramia taho, na BT buduć rabić upor na «aŭtarskuju žurnalistyku», spasyłajučysia na Łukašenku, jaki skazaŭ, što «idzie vajna infarmacyjnaja, i, kali my jaje prajhrajem, — akuniemsia ŭ vajnu sapraŭdnuju».
«Tamu aŭtarskaja žurnalistyka vychodzić na pieršy płan», — skazała namieśnica hałoŭnaha dyrektara ATN Volha Makiej.
Azaronak — palakam: Vy ž niemcaŭ nie lubicie — dyk nie kličcie «Vahniera» na svaju hałavu
Prapahandysty prydumali, jak padniać siało — zabaranić hurt «Drazdy» i nijakich kłubaŭ, bo pracavać treba
«Nie chaču, kab maja kraina stanaviłasia azaronkaŭščynaj». Ideołah z «Biełaj Rusi» vystupiła ź niečakanym pryznańniem
Kamientary