Fanaty Tejłar Śvift vyrašyli adpomścić hulcu «Barsiełony». I ŭ ich niabłaha atrymałasia
Pryznańnie levaha abaroncy «Barsiełony» Alechandra Balde, što jamu nie padabajecca muzyka Tejłar Śvift, nie spadabałasia prychilnikam śpiavački. I jany zasnavali ruch, kab dapamahčy Džudu Bielinhiemu z «Reała» pieramahčy junaha ispanca ŭ naminacyi za zvańnie «Najlepšaha maładoha futbalista» ŭ 2023 hodzie.
Prychilniki Śvift stvaryli ruch u sacyjalnych sietkach, kab prahałasavać za Bielinhiema na premiju «Najlepšy małady futbalist». Heta adbyłosia paśla kamientaroŭ Balde pra jaho niepryjaznaść da muzyki amierykanskaj śpiavački, piša Sportskeeda.com.
19-hadovaha Balde spytali pra muzyku Śvift, i jon adkazaŭ, što jamu nie padabajecca jaje muzyka.
Heta pryviało da taho, što fanaty Śvift apanavali sacyjalnyja sietki i pačali hałasavać za jaho supiernika z madrydskaha «Reała» Bielinhiema ŭ honcy na zvańnie «Najlepšaha maładoha futbalista».
Ispanski žurnalist Marcin Meninh śćviardžaje, što Balde lidziravaŭ u hałasavańni zaŭziataraŭ, a Bielinhiem mieŭ usiaho 30 tysiač hałasoŭ. Adnak kolkaść prychilnikaŭ Bielinhiema ŭźlacieła ŭsiaho za siem chvilin da 100 tysiač hałasoŭ.
Darečy Śvift taksama źbirajecca vystupić na abnoŭlenym madrydskim stadyjonie «Sanćjaha Biernabieu» naleta.
Balde dobra pravioŭ minuły siezon, prabiŭšysia ŭ pieršuju kamandu «Barsiełony», i z tych časoŭ staŭ hulać na pazicyi levaha abaroncy. U minułym siezonie jon zhulaŭ 44 matčy va ŭsich turnirach, zabiŭ adzin hoł i addaŭ siem vynikovych pieradač. Jon byŭ častkaj katałonskaj kamandy, jakaja ŭpieršyniu vyjhrała tytuł čempijona krainy z 2019 hoda.
Adnak 20-hadovy Bielinhiem taksama zasłužana pretenduje na premiju paśla bliskučaha siezona za dortmundskuju «Barusiju». Jon zabiŭ 14 hałoŭ i addaŭ siem vynikovych pieradač u 42 matčach va ŭsich turnirach.
I Džud užo zabiŭ piać hałoŭ i addaŭ adnu vynikovuju pieradaču ŭ čatyroch matčach za «Reał» na starcie hetaha siezona.
Bielhijski ŭniviersitet zapuskaje kurs analizu tekstaŭ Tejłar Śvift
Fanaty Tejłar Śvift pieratvaryli jaje biezymiennuju knihu ŭ miehapapularny biestsieler. Jak potym vyśvietliłasia, knihu śpiavačka ŭvohule nie pisała
Źnikłuju bas-hitaru Poła Mak-Kartni buduć šukać pa ŭsim śviecie. Jana źnikła ŭ 1969 hodzie
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary