«Ci vyklučany pras?» Biełarusy stvaryli prahramu, jakaja dapamahaje zmahacca z tryvohaj
Niekalki siabroŭ sabralisia i vyrašyli zapuścić ułasny prajekt. Bieź biudžetu, tolki na entuzijaźmie i ekśpiertyzie. Tak źjaviŭsia IronZen — prahrama, jakaja dapamahaje ludziam dać rady tryvozie, piša Devby.
A pačałosia ŭsio nastupnym čynam. Teściroŭščyk Dzima rychtavaŭsia pakinuć dom, ale rabiŭ šerah standartnych pravierak: ci vyklučany haz na plicie, ci začynienyja vokny, ci ŭziatyja ŭsie nieabchodnyja rečy z saboj. Moža być, paznajacie siabie ŭ hetych pavodzinach?
Pierad zapuskam jany vielmi šmat vyvučali infarmacyi ab AKR, čytali navukovyja artykuły ŭ internecie. Pa statystycy, ad chvaroby pakutuje prykładna 2% nasielnictva Ziamli.
Usie my niaredka zabyvajemsia na važnyja rečy i viartajemsia dadomu. Kožny moža znajści dla siabie scenary vykarystańnia prahramy. Možna być absalutna zdarovym i tryvožycca pa darozie ŭ aeraport, ci ŭsio ty ŭziaŭ (-a).
Tamu chłopcy vyrašyli zrabić prahramu, jakaja dapamoža dać rady tryvožnym dumkam.
Jak heta pracuje.
Vy stvarajecie scenar, naprykład, «Vychad z domu», i napaŭniajecie jaho dziejańniami: «vyklučycie pras», «vyklučycie vadu», «pakarmicie sabaku (kata)». Pierad tym, jak pakinuć žyllo, adkryvajecie prahramu z patrebnym scenarom, i adznačajecie dziejańni ptušačkami, pa žadańni dadajacie fota.
U luby momant projdzienyja scenary možna pahladzieć u historyi. A dalej zajmajeciesia svaimi spravami, upeŭnienyja, što doma ŭsio ŭ paradku, ničoha nie haryć i nie ciače.
U vyniku funkcyjanał prahramy atrymaŭsia davoli hnutkim. Adzin karystalnik juzaje IronZen, kali źbirajecca na treniroŭku, kab ničoha nie zabycca. Inšy — źbirajecca ŭ padarožža z prahramaj.
U IronZen mała ahulnaha z ček-listami, akramia taho, što treba dziejańni adznačać ptušačkami. Heta značna praściej, prahrama vykarystoŭvajecca dla ahladu žylla pierad vychadam, tamu i nazva jaje IronZen — checkup before go.
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym5
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary