Nachabnaja vydra ŭ Brytanii źjeła redkich karpaŭ na 100 tysiač funtaŭ sterlinhaŭ
Piersanał raskošnaha hatela byŭ šakavany, pabačyŭšy, što žyvioła abyšła elektryčnuju aharodžu la sažałki na terytoryi haścinicy ŭ Čestery, piša The Telegraph.
Vydra była złoŭlenaja z dokazami złačynstva na kamierach videanazirańnia za kradziažom karpaŭ z raskošnaha hatela koštam bolš za 100 000 funtaŭ sterlinhaŭ (116 tysiač jeŭra).
Supracoŭniki spa-hatela Grosvenor Pulford u Čestery byli šakavanyja, vyjaviŭšy, što vydra źjeła prynamsi 50 rybin, kožnaja ź jakich pradajecca prykładna pa 2000 funtaŭ sterlinhaŭ.
Na kadrach videanazirańnia vidać, jak žyvioła prabirajecca ŭ zonu sažałki čatyrochzorkavaha hatela, pierš čym schapić rybu i ŭciačy.
Ryby naležali da vidu amurskich karpaŭ, taksama viadomaha jak nisikihoi.
Elektryčnuju aharodžu pastavili, kab drobnaj ryby nie jeli čapli, ale vydry ŭdałosia pieraleźci praź jaje, uva što piersanał nie vieryŭ datul, pakul nie byŭ pravierany videazapis.
Endru Nelsan, dyrektar Nelson Hotels & Inns, jaki kiruje hatelem, skazaŭ: «Dla nas było, miakka kažučy, niečakanaściu daviedacca, što vydra stała vinavataj u palavańni na našu rybu.
«Z płatami, jakija my ŭstalavali raniej dla abarony drobnaj ryby ad čaplaŭ, my nie čakali, što jakija-niebudź bujnyja žyvioły zmohuć atrymać dostup da ŭčastkaŭ sažałki. Ciapier, kali naniesiena škoda na sumu kala 100 000 funtaŭ sterlinhaŭ, my sprabujem znajści rašeńnie, kab praduchilić dalejšyja straty», — skazaŭ jon.
Ciapier čytajuć
Kola Łukašenka siadzić pobač z baćkam i Pucinym na Krasnaj płoščy6
Kamientary