Rasijski film «Śviedka», u jakim raźnia ŭ Bučy prypisvajecca «ŭkranacystam», całkam pravaliŭsia ŭ prakacie
U rasijskim prakacie pravaliŭsia film «Śviedka», jaki raskazvaje pra situacyju va Ukrainie z punktu hledžańnia rasijskaj prapahandy i raspaviadaje pra «ŭkranacystaŭ», piša The Insider.
Pavodle danych Adzinaj infarmacyjnaj sistemy, za čatyry dni prakatu karcinu pahladzieła 19900 hledačoŭ. Film zarabiŭ za hety čas 7 młn rubloŭ pry biudžecie 200 młn rubloŭ. Ciapier jaho ahulnyja zbory składajuć krychu bolš za 8 młn 200 tysiač rubloŭ. Karcinu źniali na hrošy Ministerstva kultury RF.
Ukraina ŭ «Śviedcy» vinavataja va ŭsim: u terory mirnaha nasielnictva ŭ Bučy, u rakietnym abstrele vakzała ŭ Kramatorsku i razbureńni radzilnaha doma ŭ Maryupali. Sam ža «śviedka» — heta bielhijski skrypač, jaki apynuŭsia ŭ Kijevie ŭ lutym 2022 hoda.
Pieršapačatkova karcina nazyvałasia «Muzykant», ale jaje pierajmienavali paśla miaciažu Jaŭhiena Pryhožyna i PVK «Vahnier», najmitaŭ jakoj časta nazyvajuć «muzykami». Zhodna ź siužetam filma, ukrainskija vajskoŭcy hvałciać spadarožnicu hałoŭnaha hieroja, a jaho samoha prymušajuć ihrać «himn luftvafe».
Pry hetym francuzski multfilm «Łedzi Bah i Supierkot: Abudžeńnie siły», jaki startavaŭ razam sa «Śviedkam», sabraŭ u pieršy ŭikend 152 młn rubloŭ, a ahulnyja jaho zbory na siońnia skłali 476 młn. Rasijski film «Čaburaška» sabraŭ u pieršyja vychadnyja 4 młrd rubloŭ, a ahułam na hety momant — 6,78 młrd rubloŭ.
Prapahandyst Armien Hasparan tłumačyć takija vyniki «składanaj sistemaj» rasijskaha kinaprakatu. Pavodle jaho, u kinateatrach «aŭtamatyčna, pryčym štučna», urazajuć aŭdytoryju filma, staviačy jaho sieans na poźni viečar.
Miarkujučy sa statystyki, adzin sieans «Śviedki» naviedvaje ŭ siarednim usiaho čatyry čałavieki.
Čytajcie taksama:
Stała viadoma, kali ŭ Minsku pačnuć pakazvać «Barbi»
Ci sapraŭdy francuzski lidar byŭ monstram? U listapadzie na ekranach — «Napaleon» Rydli Skota
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary