U Žodzinie «zahinuŭ» łazienščyk, dobra viadomy ŭ horadzie
Žychary Žodzina hanarylisia draŭlanaj skulpturaj łazienščyka kala haradskoj łaźni, a ciapier abmiarkoŭvajuć mahčymyja pryčyny jaje hibieli. Fihuru łazienščyka dniami znajšli razłamanaj, a jaje častki valajucca pobač z łaźniaj, piša vydańnie Ex-press.live.
Draŭlanaja fihura łazienščyka na vulicy Haharyna ŭ Žodzinie la haradskoj łaźni źjaviłasia nie tak daŭno — u 2017 hodzie. Skulpturu na zamovu Žodzinskaj ŽKH vykanaŭ majstar Uładzimir Hłazun.
Tady aŭtar pracy raskazvaŭ Ex-press.by:
«Skulptura vykananaja z tapoli, heta vielmi tryvałaje dreva, jamu nie strašnyja ni doždž, ni śnieh. A sam łazienščyk pryciahnie ŭvahu haradžan i, moža być, pasłužyć rekłamaj haradskoj łaźni».
Ale akazałasia, što zapas tryvałaści ŭ žodzinskaha łazienščyka byŭ nievialiki.
Dniami karystalnik pablika «Žodzina Onłajn» vyjaviŭ, što skulptura razłamanaja, a jaje častki valajucca na placoŭcy kala łaźni.
Pryčyny hibieli skulptury žodzincy bačać pa-roznamu, vykazvajučy samyja roznyja zdahadki.
Chtości vinavacić nieviadomych vandałaŭ, niekatoryja schilajucca da dumki, što skulptura sama zhniła ad staraści, i joj chapiła taho, što «chtości prosta niaŭdała dakranuŭsia (abapiorsia)».
Inšyja ž zadajuć pytańnie: «Dzie ž naša milicyja, dzie našyja patruli? Usio sočać i sočać, i niedasačyli».
U Bahušeŭsku źbirajucca ŭstalavać skulpturu «bravaha aficera ruskaj armii» z žonkaj. I adśviatkavać jahony jubilej
U Haradku abmiarkoŭvajuć nazvu skviera, dzie staić skulptura hieroja paemy «Taras na Parnasie». Prapanovy — pa-biełarusku
U Navahradku pastavili kałonu sa skulpturaj śviatoha zastupnika horada
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?61
Kamientary
Vo presa daśviedčanaja, zajzdrošču abaznanaści
A tak nie biady, ŭ kamunalnikaŭ adsotkaŭ na dvaccać akupalnaść, zamoviać ź jašče tryvalejšaha dreva łazieńnika, ź lipy