Srodki Jeŭrasajuza, što pryznačalisia Biełarusi i Rasii, pieranakirujuć Ukrainie i Małdovie
Srodki ad Jeŭrasajuza, jakija raniej byli zapłanavanyja na jaho prahramy, sumiesnyja ź Biełaruśsiu i Rasijaj, buduć pieranakiravanyja Ukrainie i Małdovie. Pra heta paviedamlajecca na sajcie Jeŭrakamisii.
Havorka idzie pra 135 młn jeŭra, zapłanavanyja na 2021—2027 hady pa prahramach Interreg NEXT (adzin ź instrumientaŭ padtrymki ES, jaki nakiroŭvajecca na raźvićcio śfier achovy zdaroŭja, ekałohii, navukovaj dziejnaści, raźvićcia transpartu i inšych halin).
Zaraz hetyja srodki buduć nakiravanyja na anałahičnyja patreby dla Ukrainy i Małdovy. Pastanova pryniataja praz vajnu va Ukrainie.
«Ja radaja, što srodki, jakija my pieršapačatkova płanavali na hetaje supracoŭnictva, zaraz pojduć na prahramy ES z Ukrainaj i Małdovaj. Heta dapamoža ŭmacavać supracoŭnictva pamiž rehijonami ES i miascovymi zacikaŭlenymi bakami z ukrainskimi i małdaŭskimi partniorami», — zajaviła jeŭrapiejskaja kamisarka pa zhurtavańni i reformach Eliza Fierejra.
ES užo prypyniaŭ prahramy ź Biełaruśsiu i Rasijaj u sakaviku 2022 hoda. Tady 26 młn jeŭra taksama pieradavali Ukrainie i Małdovie.
Raniej Jeŭrasajuz prypyniŭ supracoŭnictva z Rasijaj i Biełaruśsiu ŭ ramkach prahram transhraničnaha supracoŭnictva Jeŭrapiejskaha instrumienta susiedstva (ENI CBC) i pa prahramie Interreg dla rehijona Bałtyjskaha mora.
Ahulnaje finansavańnie Jeŭrasajuza dla vaśmi prahram z Rasijaj składała 178 miljonaŭ jeŭra, a ahulnaje finansavańnie ES dla dźviuch prahram ź Biełaruśsiu — 257 miljonaŭ jeŭra.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary