Samym vysokim prachadnym bałam u VNU sioleta stali 398 bałaŭ z 400. Stolki treba było nabrać, kab pastupić na śpiecyjalnaść «mižnarodnaje prava» ŭ BDU. Pra heta paviedamiŭ na pres-kanfierencyi ŭ Nacyjanalnym pres-centry Alaksandr Bachanovič, piša Reform.by
«U cełym u paraŭnańni ź minułym hodam prachadnyja bały vyraśli na bolšaści śpiecyjalnaściaŭ», — skazaŭ jon.
Dla pastupleńnie na «prahramnuju inžynieryju» ŭ BNTU i BDUIR treba było atrymać 394 bały, a na elektronnuju ekanomiku ŭ BDUIR i ŭschodaznaŭstva ŭ BDU prachadnymi stali 393 bały.
U BDU prachadnyja bały byli vyšejšyja za 300 na ŭsich śpiecyjalnaściach, a ŭ BDUIR i BDEU — na bolšaści.
Ahulny płan pryjomu sioleta składaje 52,9 tysiač čałaviek. Za košt srodkaŭ biudžetu płanavałasia pryniać 28,4 tysiač abituryjentaŭ na biaspłatnuju formu navučańnia, u tym liku na dzionnuju — 23,9 tys. Pavodle słoŭ Bachanoviča, płan pryjomu byŭ źnižany na 900 miescaŭ. Heta adbyłosia za košt płatnych miescaŭ.
U vyniku ŭ 42 dziaržaŭnyja VNU zaličyli na biudžet 27,8 tysiač čałaviek.
Konkurs na adno biudžetnaje miesca ŭ siarednim u krainie skłaŭ 1,4 čałavieka na miesca.
Na dzionnuju formu navučańnia pryniaty 23,9 tys.čałaviek.
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała33
Kamientary