Vypuścili mierč «Miensk — horad palitviaźniaŭ», častka jakoha idzie na danaty
Kamanda Politzek.me i dyzajnierka Karalina Palakova vypuścili novy mierč «Miensk — horad palitviaźniaŭ». 30% vyručki ad kožnaj pradadzienaj futbołki pojdzie na dapamohu siemjam palitviaźniaŭ.
Na futbołkach namalavana pieraasensavanaja mazaika «Miensk — horad mastactva» i «Miensk — horad navuki». Ich možna bačyć na ścienach žyłych damoŭ kala mietro «Uschod» u Minsku. Tam namalavany roznyja siužety pra toje, jak navukoŭcy prezientujuć svaje pracy, jak ludzi vučacca tancavać u nacyjanalnym adzieńni, historyki raspaviadajuć pra minułaje, mama abdymaje dziaciej i h. d.
Ciapier Politzek.me razam z dyzajnierkaj pieraasensavali kancepcyju sučasnych hierojaŭ. Jany ŭpeŭnienyja, što ciapierašnija hieroi Biełarusi — heta palitviaźni.
«Ich siońnia ŭ našaj krainie bolš za 1700! Ich vyjavy my i pamiaścili na mazaiku «Miensk — horad palitźniavolenych», — pišuć aŭtary.
Na śpinie ŭ futbołak budzie QR-kod, z dapamohaj jakoha možna zadanacić palitviaźniam, a na rukavie, pavodle słoŭ aŭtaraŭ, schavana paschałka.
«My chočam pakazać, što salidarnaść — heta stylna. A dapamahčy palitviaźniam možna roznymi sposabami: ad adpraŭki lista da kupli mierču, častka jakoha idzie na danaty», — upeŭnienyja aŭtary.
Futbołka kaštuje 45 jeŭra, nabyć jaje možna praź instahram.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Kamientary
čto v etom , čto za 45 € dizajnierskoho ?
a hłavnoje - hdie harantii , čto (skolko tam)% pojdzie na dapamohu siemjam palitviaźniaŭ ?