Hurt Irdorath apublikavaŭ pieršaje za dva hady videa. Jany prosiać ab dapamozie
Klip vyjšaŭ da dnia naradžeńnia vakalistki Nadziei Kałač. Na videa možna pabačyć kranalny momant jaje sustrečy z mužam Uładzimiram paśla kałonii.
«Siońnia my chočam padziakavać vam i skazać, što toje, što adbyłosia, nas nie złamała. Tak, u nas šmat pracy, ale ŭ toj ža čas u nas šmat kreatyŭnych idej i žadańnia ŭvasablać ich u žyćcio. I z vašaj padtrymkaj my projdziem praz usio», — pišuć muzyki.
Nahadajem, muzykaŭ Irdorath zatrymali roŭna dva hady tamu, 2 žniŭnia 2021 hoda.
Paźniej ich pryznali vinavatymi pa artykule 342 KK («Arhanizacyja abo padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich»). Uładzimir i Nadzieja Kałačy atrymali pa 2 hady kałonii, Anton Šnip, Piotr i Julija Marčanki — pa 1,5 hoda kałonii.
Muzyki abviaścili zbor hrošaj.
Paśla vyzvaleńnia nam niezakonna zabaranili vyjezd z krainy, ale pry dapamozie BYSOL my zmahli źjechać ź Biełarusi. Režymu nie ŭdałosia nas złamać, i my chočam dalej praciahvać zajmacca mastactvam, padtrymlivajučy i natchniajučy biełarusaŭ.
Ciapier my ŭ biaśpiecy, ale majem patrebu ŭ finansavaj padtrymcy.
Za čas, što my byli ŭ kałonii, naša tvorčaść dziakujučy vam nie była zabytaja. I my majem namier praciahnuć svaju spravu, jak tolki znoŭ adčujem hlebu pad nahami.
€10 500 Srodki patrebnyja na reabilitacyju paśla kałonii i adaptacyju ŭ novaj krainie. Ale bolšaja častka pojdzie na adradžeńnie našych tvorčych prajektaŭ — my chočam adnavić muzyčnyja instrumienty i abstalavańnie, kab praciahvać natchniać biełarusaŭ.
Ciapier čytajuć
Azaronak napisaŭ pra palitemihranta — paśla hetaha brata i baćku taho kinuli za kraty1
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary
Tamu treba padtrymlivać artystaŭ, paetaŭ, piśmieńnikaŭ, muzykaŭ.
Biełarus biełarusu biełarus i heta zaraz dobra. Značeńnie hetaj prykazki stała vykarostoŭvacca u dobrym sensie
Kamplekty prafiesijnych muzyčnych instrumientaŭ mohuć kaštavać tysiačy jeŭra.
Taksama paśla katavalnych umovaŭ u biełaruskich SIZA i turmach šmat palitviaźniaŭ atrymlivajuć chvaroby, jakija bieź lačeńnia pieraškadžajuć pracaŭładkavańniu, asabliva kali sprava idzie ab ciažkich umovach pracy