U Adzinym rejestry pustych damoŭ, jaki staŭ vieścisia z pačatku 2023 hoda, ciapier zachoŭvajecca infarmacyja ŭžo pra bolš čym 10 tysiač budynkaŭ. Jašče ŭ mai ich było 6,6 tysiačy.
«Varta adznačyć, što Adziny rejestr pustych damoŭ pastajanna abnaŭlajecca. Ciapier u im raźmieščana infarmacyja pra bolš čym 10 tysiač chat, u tym liku takich, u dačynieńni da jakich pravodziacca mierapryjemstvy pa pošuku ŭłaśnika, a taksama ŭ dačynieńni da jakich pryniata rašeńnie ab ich prodažy i jakija vałodajuć inšymi prykmietami», — adznačajecca na sajcie Dziaržaŭnaha kamiteta pa majomaści Respubliki Biełaruś.
Dostup da rejestra adkryty i biaspłatny. Usie achvotnyja mohuć pahladzieć charaktarystyki toj ci inšaj chaty, daviedacca jaje miescaznachodžańnie, stan, hod pabudovy. Usie hetyja źviestki źbirajuć miascovyja vykanaŭčyja i rasparadčyja orhany.
Taksama ŭ viedamstvie adznačyli, što na publičnaj kadastravaj karcie jość słoj pra miescaznachodžańnie pustych žyłych damoŭ, pryznačanych dla prodažu. Hety słoj stvaryli jakraz na asnovie źviestak z rejestra.
Śpis pačali farmiravać u adpaviednaści z ukazam Łukašenki №116 ad 24 sakavika 2021 h. «Ab adčužeńni žyłych damoŭ u sielskaj miascovaści i ŭdaskanaleńni raboty z damami, što pustujuć». Źjaviŭsia rejestr u pačatku 2023 hoda, u im tady była infarmacyja tolki pra 1200 chat.
«Z čaho pačać? Pačnicie sa špaleraŭ». Jak najbolš aščadna adnavić kuplenuju viaskovuju chatu
«Tut takija pryhožyja kvietniki, a nie hetyja sumnyja hazony z tujami». Leciščy ŭ starych sadovych tavarystvach majuć svaje pieravahi
«Ja mahła b jašče vyšyć. Tolki b znać, ci nada heta kamu». Jak žyvuć apošnija žycharki apuściełych viosak
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty40
Kamientary