Niekatoryja elektryčki źmieniać miesca adpraŭleńnia i prybyćcia ŭ Minsku
Ciahniki rehijanalnych linij ekanamkłasa Aršanskaha i Asipovickaha napramkaŭ z 17 lipienia buduć prybyvać sa stancyi Minsk-Pasažyrski i prybyvać na jaje, jak paviedamili ŭ pres-centry Biełaruskaj čyhunki. Raniej jany prybyvali i adpraŭlalisia z prypynačnaha punkta «Instytut Kultury».
Jak rastłumačyli ŭ Biełaruskaj «čyhuncy», hetyja źmieny časovyja i źviazanyja jany z kapramontam aŭtamabilnaha puciepravoda, jaki prachodzić nad čyhunačnymi šlachami pamiž vulicami Maskoŭskaj i Čkałava. Čakajecca, što ramontnyja raboty na hetym puciepravodzie praciahnucca kala 16 miesiacaŭ.
Takim čynam, z 17 lipienia maršruty źmieniacca ŭ nastupnych ciahnikoŭ:
- №6911 i 6917 Asipovičy — Instytut kultury,
- №6912 Instytut kultury — Asipovičy,
- №6009, 6013, 6021 Orša — Instytut kultury,
- №6024 Instytut kultury — Orša,
- №6019, 6027 Barysaŭ — Instytut kultury,
- №6018 Instytut kultury — Krupki,
- №6024, 6028, 6030 Instytut kultury — Barysaŭ.
Z 18 lipienia źmienicca kancavaja stancyja i punkt adpraŭleńnia ŭ ciahnikoŭ rehijanalnych linij ekanamkłasa:
- №6001 Barysaŭ — Instytut kultury,
- № 6008 Instytut kultury — Orša,
- № 6010 Instytut kultury — Barysaŭ.
«Hetyja ciahniki buduć prybyvać i adpraŭlacca sa stancyi Minsk-Pasažyrski zamiest Instytuta kultury ź niaznačnymi źmienami ŭ raskładzie», — havorycca ŭ paviedamleńni BČ.
Jak kankretna źmienicca raskład, možna daviedacca na aficyjnym sajcie Biełaruskaj čyhunki, u mabilnaj prahramie «BČ. Moj ciahnik» abo pa telefonie 105 u kantakt-centry BČ.
-
«Dziesiacihadovaje dzicia AMAP pakładzie ŭ padłohu?» Treš-błohier Mellstroy adreahavaŭ na pryznańnie siabie ekstremistam
-
Biełarusa niekalki miesiacaŭ pierakidali ad doktara da doktara i nie chacieli špitalizavać, pakul naha nie pačała hnić
-
Cichanoŭskaja nazvała pryznačeńnie Koŭła «abnadziejvajučym krokam»
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary