Piaskoŭ pra viartańnie «azoŭcaŭ» va Ukrainu: Rasiju nichto nie pytaŭsia
Pres-sakratar rasijskaha prezidenta Dźmitryj Piaskoŭ zajaviŭ, što Rasiju nichto nie papiaredžvaŭ pra pieradaču Ukrainie kamandziraŭ pałka «Azoŭ». Pra heta jon zajaviŭ ahienctvu «RIA Novosti».
«Rasiju nichto nie papiaredžvaŭ ab pieradačy Ukrainie vierchavodaŭ terarystyčnaj hrupoŭki «Azova» z Turcyi. Pa ŭmovach damoŭlenaściaŭ jany pavinny byli znachodzicca na terytoryi Turcyi da momantu zakančeńnia kanfliktu», — padkreśliŭ Piaskoŭ.
Jon dadaŭ, što viartańnie kamandziraŭ pałka «Azoŭ» budzie ličycca parušeńniem damoŭlenaściaŭ jak z boku Turcyi, tak i z boku Ukrainy. Piaskoŭ źviazaŭ hetaje viartańnie «z pravałami ŭ kontrnastupleńni Ukrainy, a vojski kijeŭskaha režymu sutykajucca z pravałami štodnia».
«U kantekście padrychtoŭki da samitu NATA na Turcyju akazvali vialiki cisk, a Ankara jak siabra Aljansu prajaŭlaje ź im salidarnaść, RF usio vydatna razumieje. Adnak parušeńnie damoŭlenaściaŭ nikoha nie krasić», — prakamientavaŭ pres-sakratar Pucina.
Nahadajem, što siońnia prezident Ukrainy Uładzimir Zialenski byŭ ź vizitam u Turcyi, a pierad adlotam niečakana vyjaviłasia, što jon vierniecca na radzimu nie adzin, a ź piaćciu kamandzirami pałka «Azoŭ», jakija žyli ŭ Turcyi paśla ich abmienu ŭ vieraśni minułaha hoda na ŭkrainskaha prarasijskaha palityka Viktara Miedźviedčuka.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary