Padčas pajezdki ŭ Italiju Cichanoŭskaja abmierkavała vizy dla biełarusaŭ, padtrymku dla dobraachvotnikaŭ i pytańni da samitu NATO
5-7 lipienia nacyjanalnaja lidarka Biełarusi Śviatłana Cichanoŭskaja naviedała Rym, dzie sustrełasia z premjer-ministarkaj Džordžaj Miełoni, ministram zamiežnych spravaŭ Antonia Tajani, deputatami i vice-śpikierami parłamienta, prafsajuzami, ekśpiertnaj supolnaściu i miedyja, jak paviedamlaje jaje pres-słužba.
Padčas sustreč abmiarkoŭvali raźmiaščeńnie jadziernaj zbroi ŭ Biełarusi, stratehiju pa vyzvaleńni palitviaźniaŭ, sankcyi i izalacyju režymu, samit NATO, vydaču Italijaj vizaŭ, padtrymku hramadzianskaj supolnaści i niezaležnym miedyja.
Papiarednija vyniki vizitu:
— Premjerka Miełoni pryniała Śviatłanu Cichanoŭskuju ŭ svajoj rezidencyi. Pryjom Cichanoŭskaj u Italii na takim uzroŭni — upieršyniu.
— U parłamiencie Italii ŭtvoranaja hrupa «Za demakratyčnuju Biełaruś», kudy ŭvajšli 38 deputataŭ, z abiedźviuch pałataŭ parłamienta i ŭsich asnoŭnych partyjaŭ. Ciapier heta samaja vialikaja parłamienckaja hrupa. Siabry hrupy, u tym liku, voźmuć apiakunstva nad palitviaźniami.
— Italija praciahnie vydaču vizaŭ dla biełaruskich hramadzian. Siońnia Italija — siarod lidaraŭ pa vydačy vizaŭ biełarusam.
— Italija padtrymaje punkty pa Biełarusi ŭ vynikovaj rezalucyi samitu NATO. A taksama razhladzić mahčymaść uźniaćcia biełaruskaha pytańnia ŭ Jeŭrasajuzie i strukturach AAN. U najbližejšy čas budzie razhladacca pytańnie novych sankcyjaŭ suprać režymu Łukašenki.
Taksama było damoŭlena, što prafsajuzy Italii praciahnuć padtrymku biełaruskich rabočych i buduć dabivacca ad urada nastupnych krokaŭ zhodna z rašeńniem Mižnarodnaj arhanizacyi pracy ab vykarystańni artykuła 33 u dačynieńni da režymu Łukašenki — za sistemnyja parušeńni pravoŭ rabočych i represii suprać prafsajuzaŭ.
Baki damovilisia na praciah prajektaŭ pa reabilitacyi dzietak represavanych, a taksama dałučeńnie biełaruskich dziejačaŭ kultury da prahramaŭ abmienu i stažyrovak.
Razhledziać mahčymaść dapamohi biełaruskim dobraachvotnikam, jakija vajujuć za Ukrainu.
Italija budzie padymać pytańnie Biełarusi padčas svajho staršynstva ŭ Vialikaj siamiorcy (G7), jakoje pačynajecca 1 studzienia 2024 hoda.
-
Mścisłaŭcam paabiacali «absalutnuju biaśpieku» — u rajonie prajšli abmierkavańni mohilnika radyjeaktyŭnych adkidaŭ
-
Džon Koŭł zajaviŭ, što spadziajecca damahčysia vyzvaleńnia palitviaźniaŭ u siaredzinie vieraśnia
-
Litoŭskaha błohiera, jaki vaziŭ turystaŭ u Čarnobylskuju zonu, pasadzili ŭ Biełarusi za palityku
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ49
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1717
Kamientary