Jašče adzin miljarder admoviŭsia ad rasijskaha hramadzianstva. Jon taki ŭžo šosty i byŭ ciesna źviazany z Łukašenkam
Bujny biznesmien Ihar Makaraŭ admoviŭsia ad rasijskaha pašparta, piša Forbes. Jon staŭ užo šostym miljarderam, jaki vyjšaŭ z hramadzianstva Rasii paśla pačatku vajny va Ukrainie.
Makaraŭ, jaki pradaŭ svaje hazavyja aktyvy «Rasnafty» ŭ 2013 hodzie, ciapier maje tolki pašpart Kipra, jaki atrymaŭ u abmien na inviestycyi ŭ 2008—2012 hadach. Apošnija hady biznesmien žyvie na try krainy — na Kipry, u ZŠA i na poŭnačy Italii.
Pavodle acenki Forbes, Makaraŭ vałodaje bahaćciem u 2,2 młrd dalaraŭ. Kampanija «Itera», jakuju jon zasnavaŭ u 1990-ja, pierapradavała turkmienski haz. U 2013 hodzie Makaraŭ pradaŭ svaju dolu ŭ joj «Rasnafcie» za 2,9 młrd dalaraŭ, atrymaŭšy ź ich 1,8 młrd. Svajo bahaćcie jon paśla pavialičyŭ za košt inviestycyj na zachodnich rynkach.
Paśla pačatku vajny va Ukrainie Vialikabrytanija, Kanada, Aŭstralija i Novaja Ziełandyja ŭviali suprać biznesoŭca sankcyi.
Makaraŭ — adzin z tych rasijskich biznesmienaŭ, jakija mieli mocnyja biznes suviazi z režymam Łukašenki. Jahonaja «Itera» pravodziła časta nieprazrystyja apieracyi ź pieraprodažam hazpramaŭskaha hazu, a ŭ Minsku hetaja kampanija atrymlivała vyhadnyja placoŭki pad zabudovu.
Nakolki ciesnyja byli suviazi Makarava z Łukašenkam, śviedčyć choć by toje, što z 2005 hoda jon staŭ hanarovym konsułam Biełarusi ŭ Maskvie. Akramia taho, jon atrymaŭ z ruk Alaksandra Łukašenki miedal Francyska Skaryny i orden Družby narodaŭ.
Dy i paśla taho, jak «Itera» pierajšła pad kiravańnie «Rasnafty», a Makaraŭ pierabraŭsia na Zachad, suviazi nie źnikli.
Tak, kali ŭ 2019 hodzie Łukašenku zaŭvažyli z darahim zamiežnym rovaram, jahonaja pres-sakratarka Natalla Ejsmant apraŭdvałasia, što heta padarunak Makarava.
Makaraŭ — šosty miljarder, jaki admoviŭsia ad pašparta RF z pačatku poŭnamaštabnaha ŭvarvańnia. Da jaho heta zrabili zasnavalnik inviestycyjnaj kampanii Freedom Finance Cimur Turłoŭ, zasnavalnik hrupy fondaŭ DST Global i były saŭładalnik Mail.Ru Group Juryj Milnier, zasnavalnik Revolut Mikałaj Staronski, zasnavalnik «Trojka Dyjałoh» Rubien Vardanian i zasnavalnik «Tińkoff banka» Aleh Cińkoŭ.
Rasijskaha miljardera biełaruskaha pachodžańnia chočuć pazbavić šviejcarskaha DNŽ
Niamiecki miljarder, jaki piać hadoŭ tamu źnik u Alpach, znajšoŭsia ŭ Maskvie
«Mnie pisali: zdochni ad raku tam». Miljarder Aleh Cińkoŭ raspavioŭ, jak rak źmianiŭ jaho žyćcio i jak «hiejropa» ratuje ankachvorych z-patryjotaŭ
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary