Raźviedka ZŠA viedała, što Pryhožyn płanuje pieravarot u Rasii — miedyja
Amierykanskaja raźviedka ličyć, što kiraŭnik PVK «Vahnier» Jaŭhien Pryhožyn płanavaŭ kinuć surjozny vyklik rasijskamu vajskovamu kiraŭnictvu na praciahu dastatkova praciahłaha času, paviedamiła CNN sa spasyłkaj na krynicy.
Vyviedka ZŠA viedała pra bunt Pryhožyna, jaki rychtavaŭsia ź siaredziny červienia, pišuć amierykanskija miedyja.
I choć sutnaść i terminy płana Pryhožyna stali jasnyja niezadoŭha da jaho buntu, «było dastatkova sihnałaŭ, kab skazać kiraŭnictvu, «što niešta nie tak», raspavioŭ žurnalistam The Washington Post amierykanski čynoŭnik na ŭmovach ananimnaści.
Jon miarkuje, što ŭrad ZŠA byŭ hatovy da buntu kiraŭnika PVK «Vahnier».
Vyviedniki ZŠA miarkujuć, što Pryhožyn płanavaŭ surjozny vyklik vajskovamu kiraŭnictvu Rasii ciaham davoli doŭhaha času, ale jahonaja kančatkovaja meta była niezrazumiełaja, udakładniajuć u CNN.
Adna krynica vydańnia miarkuje, što na arhanizacyju syšło nie mienš za niekalki dzion. Ale inšy surazmoŭca žurnalistaŭ adznačyŭ, što Rastoŭ-na-Donie znachodzicca vielmi blizka da linii frontu, tamu, mahčyma, miaciež Pryhožyna nie patrabavaŭ praciahłaj padrychtoŭki.
Pradstaŭniki zachodnich śpiecsłužbaŭ bačyli prykmiety taho, što Pryhožyn rychtavaŭsia da takoha kroku, u tym liku šlacham nazapašvańnia zbroi i bojeprypasaŭ, zajavili surazmoŭcy CNN.
Čynoŭnik skazaŭ, što jany ličać, što zajavy Pryhožyna pra niedachop bojeprypasaŭ dla apieracyj va Ukrainie byli naŭmysnym padmanam, kab dapamahčy zakłaści asnovu dla patencyjnaha vajennaha vykliku rasijskaj uładzie.
Amierykanskija čynoŭniki, jak pišuć žurnalisty, ličyli, što hałoŭnym tryhieram pačatku buntu Pryhožyna stała rasparadžeńnie Minabarony, jakoje abaviazvała bajcoŭ PVK padpisvać kantrakt z vajskovym viedamstvam.
Adnak, jak dadaje The New York Times, dziaržsłužačyja ZŠA bajalisia vystupać ź jakimi-niebudź zajavami, kab nie dać aficyjnym asobam Maskvy padstavu zajaŭlać ab datyčnaści ZŠA da kanfliktu.
Kryminalnaja sprava ŭ dačynieńni da Pryhožyna budzie spynienaja, jon «vyjedzie ŭ Biełaruś» — Piaskoŭ
Jeŭrapiejski dypłamat: Vojska i siłavyja struktury nie śpiašajucca z reakcyjaj, dziejničajuć mlava
«Toje, što adbyvajecca ciapier u Rasii, — heta realna». U ZŠA adhuknulisia na vajskovy miaciež Pryhožyna
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary
A jany pavinny byli zahadzia napisać u hazietach, kab papiaredzić pucina?